ચારેકોર જ્યારે મહામારી તાંડવ મચાવી રહી છે ત્યારે વડોદરાના આ કોવિડ સેન્ટરમાં દર્દીઓને સકારાત્મકતાના પાઠ એવી રીતે ભણાવાઈ રહ્યા છે કે તમે પણ કહી ઉઠશો વાહ
દર્દીઓ થઈ જાવ ટેન્શન ફ્રી
અહીં તબીબો ગાય છે ગીત, કરે છે ડાન્સ
પારૂલ સેવાશ્રમ કોવિડ સેન્ટરનો નવતર પ્રયોગ
કોરોના કાળ વચ્ચે સારા સમાચાર
કોરોનાના કહેરની વચ્ચે દર્દીઓને તણાવમુક્ત રાખવાનો એક સરસ પ્રયોગ કરવામાં આવ્યો છે. હાલ જ્યારે મહામારી ચાલી રહી છે ત્યારે તેની સામે લડવા માટે સકારાત્મક ઉર્જા જ તમને સાથ સહકાર આપશે.
વડોદરાના પારૂલ સેવાશ્રમ કોવિડ સેન્ટરમાં દર્દીઓ મસ્તીના મૂડમાં દેખાઈ રહ્યા છે અહીં તબીબ અને નર્સિંગ સ્ટાફે ગીતો વગાડ્યા હતા અને ડાન્સ પણ કર્યો હતો. એટલું જ નહીં દર્દીઓ પણ ઘડીક પોતાનું દર્દ ભૂલીને મસતીમાં જોડાયા હતા. દર્દીઓની સારવાર માટે સંગીત થેરાપી પણ એક મહત્વનો પ્રયોગ છે.
Dancing in the Dark. Doctors and Nurses at Parul Sevashram Cheers Up COVID-19 Patients By Busting Moves In medical Gear pic.twitter.com/3wzwazDD1n
રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 8,152 કેસ નોંધાયા છે તો 81 લોકોની મોત છેલ્લા 24 કલાકમાં નોંધાઈ છે. અને 3,023 દર્દીઓ સાજા થયાં છે. આ સાથે જ અત્યાર સુધીમાં 32,6394 દર્દીઓ કોરોના મુક્ત થયાં છે.
છેલ્લા 24 કલાકમાં 73 દર્દીઓના મોતથી ખળભળાટઉલ્લેખનીય છે કે, છેલ્લા 24 કલાકમાં રાજ્યમાં 81 લોકોના સારવાર દરમિયાન મોત થયાં છે.આમ ગુજરાતમાં અત્યાર સુધીમાં 5076 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 267 લોકો વેન્ટિલેટર પર છે. એક્ટિવ કેસનો આંકડો 44,298 પર પહોંચ્યો છે.
ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 2631 કેસ તો અમદાવાદ ગ્રામ્યમાં 41 કેસ નોંધાયા છે. જ્યારે સુરત શહેરમાં 1551 નવા કેસ, જ્યારે સુરત ગ્રામ્યમાં 313 કેસ નોંધાયા છે. વડોદરા શહેરમાં 348 કેસ, જ્યારે ગ્રામ્યમાં 138 કેસ નોંધાયા. રાજકોટ શહેરમાં 698 કેસ અને ગ્રામ્યમાં 64 કેસ નોંધાયા છે.
ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...