વડોદરાની SSG હોસ્પિટલમાં મંગળવારે રાત્રે વેન્ટીલેટરમાં આગ લાગ્યાની ઘટના બની હતી. ત્યારે હવે વડોદરાની જ હોસ્પિટલમાં આગ લાગવાની વધુ એક ઘટના સામે આવી હતી. આ આગ વાઘોડિયાની પારૂલ હોસ્પિટલના ઓક્સિજન પ્લાન્ટમાં લાગી હતી.
પારૂલ હોસ્પિટલના ઓક્સિજન પ્લાન્ટમાં આગ લાગી હતી
ICU રૂમ માંથી 8 દર્દીઓને સલામત સ્થળે ખસેડવામાં આવ્યા હતા
ફાયર વિભાગનો આગ પર કાબૂ મેળવ્યો
વડોદરાના વાઘોડિયાની પારૂલ કૉવિડ હોસ્પિટલના ICU રૂમની બાજુમાં આવેલા ઓક્સિજન પ્લાન્ટમાં આગ લાગી હતી. જેને લઇને તાત્કાલિક વોર્ડમાં દાખલ 8 દર્દીઓને સલામત સ્થળે ખસેડી દેવામાં આવ્યા હતા.
મહત્વનું છે કે હોસ્પિટલમાં ICU અને ઓક્સિજન પ્લાન્ટ નજીક નજીક છે. હોસ્પિટલના ઓક્સિજન પ્લાન્ટમાં આગ લાગતાં અફરાતફરીનો માહોલ સર્જાયો હતો. આગમાં અત્યાર સુધી કોઈ જાનહાની થવા પામી નથી.
જોકે વડોદરાથી વાઘોડિયા ફાયર વિભાગની 2 ગાડી ઘટનાસ્થળે પહોંચી હતી. બાદમાં ભારે જહેમત બાદ ફાયર વિભાગનો આગ પર કાબૂ મેળવ્યો હતો. ધમણમાં આગ લાગવાના કારણે જ હોસ્પિટલ પણ આગની ઝપેટમાં આવી હતી.