વડોદરા શહેરમાં એક અધિકારીને એસીબીએ રંગેહાથ લાંચ લેતાં ઝડપ્યા છે. તેમનાં ઘરમાં સર્ચ ઓપરેશન કરતા રોકડ અસ્ક્યામતો મળી આવી છે. આરોપીની સામે ગુનો નોંધી તપાસ હાથ ધરવામાં આવી છે.
ACBએ TDO તપન ત્રિવેદીને રંગે હાથે ઝડપ્યા છે
ACBના PI હસમુખ ગામેચીની તપાસ શંકાના દાયરામાં છે
TDOના પિતા ગાંધીનગર પુરવઠા વિભાગમાં ફરજ બજાવે છે
ટીડીઓની સાથે ક્લાર્ક પણ ઝડપાયો છે
વડોદરામાં તાલુકા પંચાયતમાં અધિકારી તરીકે ફરજ બજાવતા તપન ત્રિવેદીને સામે એસીબીમાં ફરિયાદ કરવામાં આવી હતી. જેને પગલે એસીબીએ સોગઠુ ગોઠવીને રેડ પાડી હતી. પોલીસે ઘરેથી રોકડ પણ જપ્ત કરી છે. ઉલ્લેખનીય છે કે ટીડીઓની સાથે ક્લાર્ક પણ ઝડપાયો છે.
ACBએ TDO તપન ત્રિવેદીને રંગે હાથે ઝડપ્યા છે
તપન ત્રિવેદી વડોદરામાં તાલુકા પંચાયતમાં ટીડીઓ તરીકે ફરજ બજાવે છે. તેમણે વ્યવસાય વેરામાં લાયસન્સ આપવા માટે લાંચ માહી હતી. જેમાં એસીબીએ ટીડીઓ તપનને રંગે હાથે ઝડપી પાડ્યાં છે. તેમની સાથે એસીબીએ તપનનાં જુનિયર ક્લાર્ક રાજેશને પણ લાંચ લેતા ઝડપ્યાં છે.
ACBના PI હસમુખ ગામેચીની તપાસ શંકાના દાયરામાં છે
એસીબીએ આ બાદ તપનનાં ઘરે સર્ચ ઓપરેશન કર્યું હતું. જેમાં 3.94 લાખની અસ્ક્યામતો મળી આવી હતી. ઉલ્લેખનીય છે કે તપનના પિતા ગાંધીનગર પુરવઠા વિભાગમાં ફરજ બજાવે છે. આ રેડમાં એસીબીનાં પીઆઈ હસમુખ ગામેચીની તપાસ પણ શંકાનાં દાયરામાં છે.