ગુજરાતમાં હાલ કોરોના વાયરસની મહામારીનો પ્રકોપ યથાવત જોવા મળી રહ્યો છે. જો કે રાજ્યની વડોદરા શહેરની નગરપાલિકા વારંવાર કોઇને કોઇ કારણોસર સમાચારમાં હોય છે. હાલ શહેરની મહાનગરપાલિકા ફરી એકવાર આર્થિક તંગીમાં સપડાઇ ગઇ છે. જેમાં આર્થિક નુકસાનની ભરપાઇ કરવા કોર્પોરેશને પ્લોટ વેચવા કાઢ્યા છે.
વડોદરા મહાનગરપાલિકા ફરી એકવાર આર્થિક તંગીમાં સપડાઇ
આર્થિક નુકસાનની ભરપાઇ કરવા કોર્પોરેશને પ્લોટ વેચવા કાઢ્યા
આરોગ્ય-શૈક્ષણિક હેતુ માટે 50% ભાવમાં વેંચી રહ્યું છે પ્લોટ
વડોદરા મહાનગરપાલિકા ફરી એકવાર આર્થિક તંગીમાં સપડાઇ છે. ખાડે ગયેલા વહીવટને કારણે છેલ્લા ઘણા સમયથી વડોદરા મહાનગર પાલિકા વારંવાર આર્થિક બોજના ભારણમાં ધકેલાઈ રહી છે.
આવામાં હવે પાલિકા ઘરબાળીને હોળી કરવા માટે જઈ રહી હોય તેમ આર્થિક નુકસાનની ભરપાઇ કરવા સરકારી પ્લોટ વેચવા કાઢ્યા છે. મનપાએ કરોડોની કિંમતના પ્લોટ વેચવા કાઢ્યા છે. 27 પ્લોટ વેચી 400 કરોડ ઉભા કરવાનો કીમિયો ઘડ્યો છે. પાલિકાએ ગતવર્ષે પણ 12 પ્લોટ વેચી 131 કરોડ રૂપિયા મેળવ્યા હતા. પાલિકાએ આરોગ્ય-શૈક્ષણિક હેતુ માટે 50% ભાવમાં પ્લોટ વેંચવાની પણ જાહેરાત કરી છે.
સળગતા સવાલ
શું વડોદરા મનપાના સંચાલકોને સંચાલન નથી આવડતું?
શું પાલિકાના સત્તાધીશોને બજેટ બનાવતા નથી આવડતું?
25 વર્ષથી ભાજપ શાસિત હોવા છતા કેમ પ્લોટ વેંચવા પડે છે?
કેમ મહાનગરપાલિકાનો વહીવટ ખાડે ગયો છે?
એવી તે શું સુવિધાઓ આપો છો કે તિજોરી તળીયાઝાટક થઈ જાય છે?
કેમ દર વર્ષે મિલ્કતો વેંચીને રૂપિયા ઉભા કરવા પડે છે?
તમે પાલિકા ચલાવવા ચૂંટાયા છો કે મિલ્કતો વેંચવા માટે?
મિલ્કતો વેંચીને રૂપિયા ભેગા કરવા તેને કઈ ભાષામાં વિકાસ કહી શકાય?
શું આ વડોદર પાલિકાના દંભી વિકાસ મોડલ પર ડાઘ ન કહી શકાય?