વડોદરા શહેર મ્યુનિસિપલ કોર્પોરેશનના સત્તાધીશોએ કેટલાક કોન્ટ્રાક્ટરોને કમાવવાના ઇરાદાથી પેવર બ્લોક બદલવાની કામગીરી કરી શરૂ.વિપક્ષ લાલઘૂમ,કહ્યું મળતીયાઓને ફાયદો કરાવવાની પેરવી
VMCએ શરુ કરી પેવર બ્લોક બદલવાની કામગીરી
વિપક્ષનો સવાલ,શા માટે વારંવાર બદલાય છે પેવર ?
મળતિયા કોન્ટ્રેક્ટરને માલામાલ કરવાનો એક કારસો
વડોદરા કોર્પોરેશન સામે લાગ્યા ગંભીર આક્ષેપ,શહેર ના વિવિધ વિસ્તારો ના ફૂટપાથ ઉપર બે વર્ષ પૂર્વે લગાવેલ પેવર બ્લોક ઉખાડી નવા પેવર લગાવવા ની કામગીરી ને લઈ રાજકારણ ગરમાયુ છે ,ક્યાંક ને ક્યાંક કોન્ટ્રાકટર ને ફાયદો કરાવવા આ કામ હાથ ઉપર લેવાયું હોવાનો વિપક્ષ દ્વારા પણ આક્ષેપ કરાયો છે જેને લઈ કોર્પોરેશનની કામગીરી પર પણ સવાલો ઉભા થયા છે.
'ઘરના ભૂવા,ઘરના ડાક્લા'નો ખેલ -વિપક્ષ
વડોદરા શહેર મ્યુનિસિપલ કોર્પોરેશનના સત્તાધીશો દ્વારા શહેરના કેટલાક કોન્ટ્રાક્ટરોને કમાવવાના ઇરાદાથી પેવર બ્લોક બદલવાની કામગીરી શરૂ કરી દેવાઇ છે મહત્વનું છે કે જે બ્લોક હાલ ઉખેડવામાં આવી રહ્યા છે તે બ્લોક 10 વર્ષ સુધી ચાલતા હોય છે પરંતુ કોર્પોરેશનના સત્તાધીશો દ્વારા અન્ય વિકાસ કામો ને પ્રાધ્યાન નહિ આપી ચોક્કસ કોન્ટ્રાક્ટરોને ફાયદો કરાવવાના હેતુથી આ કામ હાથ ઉપર લઈ પ્રજાના નાણાનો વ્યય કરાઈ રહ્યો હોવા નું ચિત્ર સામે આવ્યું છે.
જનસુવિધા પ્રત્યે બે-ધ્યાન. સ્ટે.ની ભૂમિકા પર સવાલ
કોર્પોરેશન કોન્ટ્રાકટરોને સાચવવા માટે નાગરિકોની સુવિધા ને ભુલાવી રહ્યા છે ત્યારે સ્થાયી સમિતિમાં પેવર બ્લોક ના ઇજારાની મંજુરી આપવામાં આવી છે અને તેમાં ચાલુ વર્ષે બ્લોક પેવિંગ માટેની ગ્રાન્ટ માં ધરખમ વધારો કરવામાં આવ્યો છે બ્લોક પેવિંગ માટે અગાઉ 3.30 કરોડ ની જોગવાઈ હતી જે કોર્પોરેશનની સ્ટેન્ડિંગ કમિટી દ્વારા વધારી ને 6.80 કરોડ કરવામાં આવી છે અને જે અંતર્ગત હાલ જુના બ્લોક ઉખાડી ને નવા બ્લોક પેવિંગની કામગીરી હાથ ધરવા માં આવી છે ત્યારે ક્યાંક ને ક્યાંક કોન્ટ્રાક્ટરો ને તેમજ સત્તાધીશો તેમજ અધિકારીને ફાયદો કરાવવા માટેજ આ કામ હાથ ઉપર લેવાયું હોવાની ચર્ચાઓ પણ ઉઠવા પામી છે.
'શેઠની શિખામણ ઝાંપા'સુધી આ કહેવત કદાચ અહીંયા સાચી ગણાવી શકાય કારણ કે નાગરિકો ને દુવિધા આપી અધિકારીઓને સાચવવાની નીતિથી કદાચ આગળના દિવસો માં હજુ પણ પ્રજાના નાણાંનો વ્યય થાય તો કોઈ નવાઈ નહિ. કારણ કોર્પોરેશનના અણઘડ આયોજનો હેઠળ પ્રજા ત્રસ્ત છે ત્યારે તંત્ર ની બેદરકારી નો અંત ક્યારે આવે તે જોવું જ રહ્યું.