વડોદરા: પેપર લીક કાંડ મામલે પોલીસે 5 આરોપીઓ સામે ફરિયાદ કરી છે. 4 આરોપીઓની પોલીસે ધરપકડ કરી છે. જોકે હજી યશપાલસિંહ ફરાર છે. મળતી માહિતી મુજબ યશપાલ સિંહ વડોદરાની મનપામાં કામ કરતો હતો. વીટીવીની ટીમે મનપાની ઓફિસે તપાસ કરી હતી.
જો કે વડોદરા મનપા કમિશનર આરોગ્ય વિભાગમાં કામ કરતા યશપાલસિંહ સોલંકીના નામથી અજાણ છે. આ ઉપરાંત કોર્પોરેશનની મુખ્ય શાખા વિભાગ મનપાનું જનસેવા કેન્દ્ર પણ યશપાલસિંહના નામથી અજાણ હોવાનું પણ ખુલવા પામેલ. તો આ તરફ જન સંપર્ક કાર્યાલય પણ યશપાલસિંહ નામના વ્યક્તિને કોઈ ઓળખતુ નથી.
ઉલ્લેખનીય છે કે અજય ભાદુએ પ્રતિક્રિયા આપી છે કે અમારી પાસે કોઈ માહિતી આવી નથી. કોર્પોરેશનનો ક્યો કર્મચારી સંડોવાયેલો છે તેની જાણ થશે ત્યાર બાદ કાર્યવાહી કરાશે. ત્યારે હવે જોવું જ રહ્યું કે પેપર લીક કાંડમાં કેટલા આરોપીઓના નામ સામે આવે છે.