જનતાના ટેક્સના પૈસાને સરકારી ખજાનામાંથી કેવી રીતે લૂંટવા તેનો નમૂનો વડોદરા કોર્પોરેશનમાં જોવા મળ્યો. જી હાં, અહીં વડોદરામાં કોરોના ગ્રસ્ત કોપોરેટરોનો ખર્ચ કોર્પોરેશન ઉઠાવી રહી છે.
બે નગરસેવકોની કોરોનાની સારવારનો ખર્ચ મહાપાલિકા ભોગવશે
સારવારનો 4 લાખ સુધીનો ખર્ચ કોર્પોરેશન ભોગવશે
નિલેશ રાઠોડ અને ભાવના શેઠની સારવારનો ખર્ચ કોર્પોરેશન ભોગવશે
જનતાના ટેક્સના પૈસાને સરકારી ખજાનામાંથી કેવી રીતે લૂંટવા તેનો નમૂનો વડોદરા કોર્પોરેશનમાં જોવા મળ્યો. જી હાં, અહીં વડોદરામાં કોરોના ગ્રસ્ત કોપોરેટરોનો ખર્ચ કોર્પોરેશન ઉઠાવી રહી છે. વડોદરના કોર્પોરેટર નિલેશ રાઠોડ અને ભાવના શેઠને ખાનગી હોસ્પિટલમાં વીઆઇપી ટ્રીટમેન્ટ જનતાના ટેક્સના પૈસે મળી રહી છે. આ બંને કોર્પોરેટર સારવાર માટેનો 4 લાખ સુધીનો ખર્ચ કોર્પોરેશન ભોગવશે. ત્યારે અહીં સવાલ થાય કે, કોર્પોરેટ પોતાની સારવારનો ખર્ચ ખુદ કેમ નથી ઉઠાવતા?
સરકારી હોસ્પિટલમાં શ્રેષ્ઠ સેવા મળતી હોવાના બણગા ફૂટતા સરકારી અધિકારીઓના દાવાઓ પણ અહીં પોકળ સાબિત થઇ રહ્યાં છે. જો સરકારી હોસ્પિટલમાં શ્રેષ્ઠ સેવા મળતી હોય તો કોર્પોરેટર્સની સારવાર ખાનગી મોંઘીદાટ હોસ્પિટલમાં કેમ? જનતાના ટેક્સના પૈસાનો વ્યકિગત સારવાર માટે ઉપયોગ કેટલા અંશે યોગ્ય છે.નગરસેવકોની સારવારનો ખર્ચ પ્રજા શા માટે ભોગવે? આ સવાલ અહીં ઉપસ્થિત થવો સ્વાભાવિક છે.
સળગતા સવાલ
જનતાના રૂપિયા નગરસેવકોની સારવાર માટે છે?
કોર્પોરેટરો મોંઘીદાટ ખાનગી હોસ્પિટલમાં સારવાર લે તો જનતાનું શું?
કોર્પોરેટર સરકારી હોસ્પિટલમાં સારવાર કેમ ન લે?
વડોદરા મહાપાલિકામાં બીલ ચૂકવવાના ઠરાવનો વિરોધ કેમ નહીં?
વિપક્ષ કેમ આ મુદ્દે ચૂપ બેસી રહ્યો?
4 લાખના બીલનું ભારણ પ્રજા શા માટે ભોગવે?
કોર્પોરેટરની કોરોનાની સારવારનો ખર્ચ જનતા શું કામ ભોગવે?
જનતાની કોરોનાની સારવારનો ખર્ચ કોઈ આપશે ખરુ?
કોઈ કોર્પોરેટર પોતાના ખિસ્સામાંથી જનતા માટે રૂપિયા કાઢશે?