વડોદરા / MS યુનિવર્સિટીમાં પહેલા જ દિવસે ઓફલાઇન શિક્ષણ શરૂ થતાં મારામારી, બીજી તરફ ઑનલાઇન ક્લાસ ચાલુ રાખવા તીવ્ર માંગ

• વડોદરાની MS યુનિવર્સિટી ફરી એક વાર વિવાદમાં 
• ઓફલાઇન શિક્ષણ શરૂ થતાં જ શરૂ થઇ મારામારી
• FY B.comના વિદ્યાર્થીઓ વચ્ચે થઇ મારામારી

કોરોના કેસમાં રાહત થતાં 2 વર્ષ બાદ શાળાઑ અને કોલેજો  સંપૂર્ણ પણે ઓફલાઇન શરૂ કરી દેવામાં આવી છે. પણ MS યુનિવર્સિટીમાં ઓલ ગુજરાત સ્ટુડન્ટ યુનિયન ઉગ્ર રીતે ઑનલાઇન શિક્ષણ બંધ કરવાનો વિરોધ કરી રહ્યું છે. 

ઓફલાઇન સાથે ઑનલાઇન શિક્ષણ ચાલુ કરવા માંગ
MS યુનિવર્સિટીમાં ઓલ ગુજરાત સ્ટુડન્ટ યુનિયનને શિક્ષણ વિભાગની ઓફલાઇન શિક્ષણની જાહેરાત સામે વિવાદ સજર્યો છે. આ વિદ્યાર્થી સંગઠનની દરેક ફેકલ્ટીમાં પ્રથમ વર્ષમાં ઓફલાઇન સાથે ઓનલાઇન શિક્ષણ અપાય માંગ કરી રહ્યા છે. જેને લઈ MS યુનિવર્સિટીની મુખ્ય કચેરી ખાતે વિદ્યાર્થીઓ દેખાવો કરી સૂત્રોચ્ચાર કર્યા હતા. વિદ્યાથીઑનું કહેવું છે કે 
અનેક વિદ્યાર્થીઓને હોસ્ટેલમાં પ્રવેશ નથી જેથી તે લોકો ખૂબની હાલાકી ભોગવી રહ્યા છે. અને સામે હવે યુનિવર્સિટીમાં બીજા સેમેસ્ટરનું દોઢ મહિનાનું જ શિક્ષણ બાકી છે અને 80 ટકા અભ્યાસક્રમ ઓનલાઇન પૂર્ણ થઇ ચૂક્યો છે ત્યારે આ સત્ર દરમિયાન ઓફલાઇન સાથે ઑનલાઇન શિક્ષણ પર શરૂ રખાય તો વિદ્યાથીઓને પડતી મુશ્કેલી નિવારી શકાય.

b

AGSG, ABVPમાં પહેલા જ દિવસે બબાલ
તો બીજી તરફ વડોદરાની MS યુનિવર્સિટી ફરી એક વાર વિવાદમાં આવી છે. ઓફલાઇન શિક્ષણ શરૂ થતાં જ શરૂ થતાંની સાથે જ FY B.comના વિદ્યાર્થીઓ વચ્ચે મારામારીની ઘટના પણ સામે આવી છે. અભ્યાસ કરવાને બદલે પહેલા દિવસે જ વિદ્યાર્થીઓ ઝપાઝપી પર ઉતરી જતા થોડા સમય માટે વાતાવરણ તંગ બની ગયું હતું. AGSG, ABVP વચ્ચે નવા વિદ્યાર્થીઓને રીઝવવા બાબતે આ ઘર્ષણ થયું હતું. બંને જૂથોના ટોળેટોળા ઉમટી પડતા મામલો ગરમાયો હતો. યુનિવર્સિટીમાં દોડધામ મચતા નવા વિદ્યાર્થીઓમાં પણ ફફડાટ વ્યાપ્યો હતો. વિજીલન્સની ટીમે ઘટનાસ્થળે પહોંચીને મામલો થાળે પાડ્યો હતો.