યુનિવર્સિટીના કોમર્સ ફેકલ્ટીના ડિન કેતન ઉપાધ્યાયએ કહ્યું કે, છેલ્લા ચાર દિવસથી આ યુનિટના કો.ઓડિનેટર તેમજ સુપરવાઈઝન કરે છે તે બહેનો તરફથી ફરિયાદ મળતી હતી કે, વિદ્યાર્થીઓ ઈન જનરલ તેમના કંન્ટ્રોલમાં રહેતા નથી
વડોદરાની એમ.એસ યુનિ. ફરી આવી વિવાદમાં
બી.કોમ ના ચાલુ પેપર દરમિયાન વિદ્યાર્થીઓનો ગેરવર્તન
ત્રણ વિદ્યાર્થીઓએ સુપરવાઈઝરની સાથે કર્યું ગેરવર્તન
વડોદરાની એમ.એસ યુનિ ફરી વિવાદમાં આવી છે. વિદ્યાર્થીઓએ સુપરવાઈઝરની છેડતી કરી હોય તેવી ઘટના સામે આવી છે. બી.કોમના ચાલુ પેપર દરમિયાન ત્રણ વિદ્યાર્થીઓએ સુપરવાઈઝર સાથે ગેરવર્તન કર્યું છે. યુનિટ બિલ્ડિંગમાં પરીક્ષા દરમિયાન ગેરવર્તન કર્યાની ફરિયાદ સામે આવી છે. ડીને ત્રણેય વિદ્યાર્થીઓને ઝડપીને કાર્યવાહી કરી છે. ડિને વિદ્યાર્થીઓ પાસે માફી પત્ર લખાવ્યો છે.
ડીને ત્રણેય વિદ્યાર્થીઓને ઝડપી કરી કાર્યવાહી
વડોદરાની એમ.એસ યુનિવર્સિટીમાં ત્રણ વિદ્યાર્થીઓ ચાલું પરિક્ષા દરમિયાન મહિલા સુપરવાઈઝર સાથે ગેરવર્તન કર્યું છે, જે મુદ્દે યુનિવર્સિટીના ડિનેએ ત્રણેય વિદ્યાર્થીઓને ઝડપીને માફ પત્ર લખાવ્યો છે. જે સમગ્ર મામલે યુનિવર્સિટીના ડીનએ જણાવ્યું કે, હાલમાં એસવાય બીકોમની પરીક્ષા ચાલે 8200થીવધુ વિદ્યાર્થી પરીક્ષા આપી રહ્યાં છે. એજ્યુકેશન ડિપાર્ટમેન્ટમાં 2050 વિદ્યાર્થી પરીક્ષા આપી રહ્યાં છે તેમજ આ વિદ્યાર્થીઓ 45 મીનિટની પરીક્ષા આપી રહ્યાં છે.
'ગેર વર્તનની છેલ્લા ચાર દિવસથી ફરિયાદ મળતી હતી'
યુનિવર્સિટીના કોમર્સ ફેકલ્ટીના ડિન કેતન ઉપાધ્યાયએ કહ્યું કે, છેલ્લા ચાર દિવસથી આ યુનિટના કો.ઓડિનેટર તેમજ સુપરવાઈઝન કરે છે તે બહેનો તરફથી ફરિયાદ મળતી હતી કે, વિદ્યાર્થીઓ ઈન જનરલ તેમના કંન્ટ્રોલમાં રહેતા નથી અને તેમને સાથ સહકાર આપતા નથી તેમજ યોગ્ય વર્તન કરતા નથી જેને લઈ આજે આ બિલ્ડિંગમાં આવી વિદ્યાર્થીઓને કડક શબ્દોમાં મેસેજ આપ્યો છે. વડોદરા સંસ્કારી નગરી છે આ ગેરવર્તન ન ચલાવી લેવાય જેને લઈ વિદ્યાર્થીઓને કડક શબ્દોમાં મેસેજ આપ્યો છે.
માફી પત્રમાં લખાવ્યું છે: યુનિ. ડિન
કેતન ઉપાધ્યાયએ કહ્યું કે, ગઈકાલે ટીચર જ્યારે આન્સર બુક ક્લેકટ કરવા ગયા ત્યારે વિદ્યાર્થીઓ આન્સર બુક ઉછાળી અને હા હો કર્યો અને જેમાં બહેનને વિદ્યાર્થીનો હાથ પણ અડી ગયો હશે અને તે હદે અંધાધૂતી ફેલાઈ ગઈ હતી જેના કારણે આજે અમારે આવવું પડ્યું હતું. માફી પત્રમાં લખાવ્યું છે કે, એફ સેવન ક્લાસ રૂમમાં બેઠા હતા અને લેડી ટીચર સાથે ગેરવર્તન કર્યો છે ભવિષ્યમાં અમે નહી કરીએ.