ભાજપમાં ભડકો / વડોદરામાં ભાજપના રિસામણાં મનામણાંનો દોર યથાવત, વધુ એક ધારાસભ્ય નારાજ

વડોદરામાં વધુ એક ધારાસભ્ય નારાજ થતાં ભાજપમાં આંતરિક વિખવાદ વકરી રહ્યો હોવાનો પુરાવો મળ્યો હોવાનું ચર્ચાઈ રહ્યું છે. વાઘોડિયાના ધારાસભ્ય મધુ શ્રીવાસ્તવ નારાજ થયા છે. મધુશ્રીવાસ્તવ મંત્રી કૌશિક પટેલથી નારા જ છે અને તેમણે રાજીનામું આપવાની ચિમકી ઉચ્ચારી છે. મહેસૂલ વિભાગમાં કામ ન થતા હોવાને કારણે મધુ શ્રીવાસ્તવ બળવો કરી રહ્યા હોવાનું કારણ આપી રહ્યા છે. 

કોણ છે મધુ શ્રીવાસ્તવ

• વડોદરાના ભાજપના અગ્રણી નેતા છે
• છેલ્લી પાંચ ટર્મથી વાઘોડિયા બેઠક પરથી ચૂંટણી જીતતા રહ્યા છે
• બેસ્ટ બેકરી કેસમાં આરોપી છે
• 2014માં લાયન ઓફ ગુજરાત નામની ગુજરાતી ફિલ્મનું નિર્માણ કર્યુ હતુ 
• 2012માં કોંગ્રેસના ડો. જયેશ પટેલને હરાવ્યાં હતા 
• 2017માં BTPના ઉમેદવારને હરાવીને મેળવી હતી જીત 
• વડોદરામાં મધુ શ્રીવાસ્તવ મની અને મસલ્સ પાવર ધરાવે છે
• શહેરમાં મધુ શ્રીવાસ્તવ બાહુબલીની ઈમેજ ધરાવે છે

મુખ્યમંત્રી રૂપાણી નજીકના મંત્રીઓ સામે જ વિરોધ

• ગઈકાલે મંત્રી સૌરભ પટેલ સામે હતો કેતન ઈનામદારનો વિરોધ 
• આજે મંત્રી કૌશિક પટેલ સામે મધુ શ્રીવાસ્તવનો વિરોધ
• રૂપાણી નજીકના મંત્રી સામે એક પછી એક થઇ રહ્યો છે વિરોધ
• વિરોધ પાછળ કોઇનું ભેજુ કે સાહજિક છે વિરોધ ? 
• ગઇ કાલે મઘુ શ્રીવાસ્તવને કોઇ વાંધો ન હતો 
• અચાનક મધુ શ્રીવાસ્તવ શા માટે ઉભા થયા  ?
• બોર્ડ નિગમમાં સ્થાન પછી પણ મધુ શ્રીવાસ્તવનો વિરોધ અસામાન્ય
• મુખ્યમંત્રીની કોર ટીમ પર ભાજપના જ નેતાના પ્રહારો