લૉકડાઉન / વડોદરામાં રાજ્ય કક્ષાના મંત્રીએ જ સોશિયલ ડિસ્ટન્સ ન જાળવ્યું, રાશન-દક્ષિણા આપવા નેતાઓ ટોળે વળ્યા

• સોશિયલ ડિસ્ટન્સના ઉડ્યા ધજાગરા
• યોગેશ પટેલે આપી દક્ષિણા, રાશન કીટ
• ન જાળવ્યું સોશિયલ ડિસ્ટન્સ

વડોદરામાં રાજ્ય કક્ષાના મંત્રી યોગેશ પટેલે સોશિયલ ડિસ્ટન્સના ધજાગરા ઉડાવ્યા છે. બ્રાહ્મણોને રાશન કીટ અને દક્ષિણા આપવા માટે યોગેશ પટેલ સહિત 5 લોકો એકઠા થયા હતા. આ દરમિયાન સોશિયલ ડિસ્ટન્સના લીરેલીરા ઉડ્યા. તો ભાજપના મીડિયા કન્વીનર મુકેશ દીક્ષિતે તો માસ્ક પણ વ્યવસ્થિત નહોતું પહેર્યુ. જોકે બીજી તરફ બ્રાહ્મણોએ કીટ લેતા સમયે સોશિયલ ડિસ્ટન્સ જાળવ્યું હતું.

મહત્વનું છે કે, શિવ પરિવાર સંસ્થા તરફથી કીટ અને દક્ષિણા અપાઈ હતી. યોગેશ પટેલ સહિત 5 લોકો એક બ્રાહ્મણને કીટ આપી રહ્યા છે. બીજી તરફ તેની પાછળ પણ કેટલાક લોકો તેમની સાથે ઉભા રહેલા જોવા મળી રહ્યા છે.

વડોદરામાં રાજ્ય કક્ષાના મંત્રી યોગેશ પટેલે બ્રાહ્મણોને રાશન કીટ અને દક્ષિણા આપતા સમયે સોશિયલ ડિસ્ટન્સ ન જાળવ્યું. તેમણે 4થી વધુ વ્યક્તિઓ ભેગા કરીને પોલીસના જાહેરનામાનો ભંગ કર્યો હતો. જોકે બ્રાહ્મણોએ કીટ લેતા સમયે સોશિયલ ડિસ્ટન્સ જાળવ્યું હતું.#Vadodara #BJP #Lockdown pic.twitter.com/64U6TOurlO

— VTV Gujarati News and Beyond (@VtvGujarati) May 15, 2020