શહેરની દીવાન બલ્લુભાઇ પ્રાથમિક શાળાનાં ધોરણ 8નાં વિદ્યાર્થી જીમીલ કવૈયાનું બસ રાઇડમાંથી માથું બહાર કાઢતાં સારવાર દરમિયાન મોત નીપજ્યું હતું. આ મામલામાં માહી વોટર ગેસ રિસોર્ટના મેનેજર પીયૂષ વસોયા અને મિની બસના ડ્રાઇવર પ્રકાશ પરમારની પાદરા પોલીસે ધરપકડ કરી છે. જ્યારે રિસોર્ટના સંચાલક શૈલેશ શાહ હાલમાં ભૂગર્ભમાં ઊતરી ગયા છે.
માહી રિસોર્ટના માલીક સિગ્મા ઈન્સ્ટિટયૂટના ચેરમેન
મિની બસ ચલાવનાર ડ્રાઇવર પાસે કોઈપણ પ્રકારનું ડ્રાઈવિંગ લાઈસન્સ નથી
ગેરકાયદે રીતે મોડિફાઇ કરીને બે માળની મિની બસ બનાવી ફેરવતા
દીવાન બલ્લુભાઇ શાળામાં ગઈ કાલે એનએસયુઆઇના કાર્યકર્તાનો વિરોધ કરવામાં આવ્યો હતો. તો બીજી બાજુ માહી વોટર રિસોર્ટ ફોર વ્હીલર ગાડીને આરટીઓની પૂર્વ મંજૂરી વગર ગેરકાયદે રીતે મોડિફાઇ કરીને બે માળની મિની બસ બનાવી ફેરવતા હતા. આમાં કોઈ સેફ્ટીનાં સાધનો પણ ન હતાં.
મિની બસ ચલાવનાર ડ્રાઇવર પાસે કોઈપણ પ્રકારનું ડ્રાઈવિંગ લાઈસન્સ નથી
આ ઉપરાંત મળતી માહિતી પ્રમાણે મિની બસ ચલાવનાર ડ્રાઇવર પાસે કોઈપણ પ્રકારનું ડ્રાઈવિંગ લાઈસન્સ નહીં હોવાનું પણ પ્રકાશમાં આવ્યું છે. માહી રિસોર્ટની તમામ કામગીરી પાદરા પોલીસે બંધ કરાવી દીધી છે. જે બસમાં બેસવાથી વિદ્યાર્થીનુ મોત થયું હતું. તે મિની બસને કબજે કરી પાદરા પોલીસ સ્ટેશન લાવવામાં આવી છે.
શૈલેશ શાહ સિગ્મા ઈન્સ્ટિટયૂટના ચેરમેન હોવાનું સામે આવ્યું
પોલીસની માહિતી મુજબ માહી રિસોર્ટના માલીક શૈલેશ શાહ સિગ્મા ઈન્સ્ટિટયૂટના ચેરમેન હોવાનું સામે આવ્યું છે. દીવાન બલ્લુભાઇ શાળાને મંજરી વગર પ્રવાસનું આયોજન કરવા બદલ ડીઈઓએ કારણ દર્શક નોટિસ મોકલી છે.