ગુજરાતમાં કોરોનાના કહેર વચ્ચે લોકડાઉન 4.0 ના અમલને લઇને રોડમેપ તૈયાર કરવામાં આવી રહ્યો છે. દેશભરમાં લોકડાઉન 4.0 આગામી 31 મે સુધી જાહેર કરવામાં આવ્યું છે. ત્યારે લોકડાઉન વચ્ચે ગુજરાતમાં દારૂના બુટલેગરો બેફામ બન્યાં છે. ત્યારે રાજ્યના વડોદરા શહેરમાં ખુલ્લેઆમ દારુનું વેચાણ થતું હોવાનો વીડિયો વાયરલ થયો છે, જ્યારે બીજી તરફ બનાસકાંઠાની થાદની ખોડા ચેકપોસ્ટ પરથી દારૂ ઝડપાયો છે.
વડોદરામાં લોકડાઉનમાં ખુલ્લેઆમ દારૂનું થાય છે વેચાણ
બુટલેગરનો દારૂના વેચાણનો વીડિયો થયો વાયરલ
બનાસકાંઠાની થરાદની ખોડા ચેકપોસ્ટ પરથી ઝડપાયો દારૂ
વડોદરામાં લોકડાઉનમાં ખુલ્લેઆમ દારૂનું થાય છે વેચાણ
વડોદરામાં લોકડાઉનમાં ખુલ્લેઆમ દારૂનું વેચાણ થઈ રહ્યું છે. બુટલેગરનો દારૂના વેચાણનો વીડિયો વાયરલ થયો છે. પંચવટી નર્મદા કેનાલની પાસે દારૂના વેચાણનો વીડિયો વાયરલ થયો છે.
વાયરલ વીડિયોમાં મોટી સંખ્યામાં લોકો જોવા મળે છે. જવાહરનગર પોલીસ સ્ટેશનની હદનો વીડિયો વાયરલ થતા અનેક સવાલ ઉઠી રહ્યા છે. આ વીડિયો વાયરલ થયા બાદ પોલીસ દ્વારા શું કાર્યવાહી કરાશે તે આગામી દિવસોમાં જોવાનું રહેશે.
બનાસકાંઠાની થરાદની ખેડા ચેકપોસ્ટ પરથી દારૂ ઝડપાયો
ગુજરાતમાં દારૂબંધી હોવા છતાં વારંવાર બીજા રાજ્યમાંથી ઘૂસાડવા માટે કોઇપણ રીતે પ્રયાસ કરવામાં આવતાં હોય છે. ત્યારે બનાસકાંઠાના થરાદની ખોડા ચેકપોસ્ટ પરથી દારૂ ઝડપાયો છે. ત્યારે ચેકપોસ્ટ પર સૂકા ઘાસના ભૂંસાની આડમાં કરાતી દારૂની હેરાફેરી સામે આવે છે. આ સાથે થરાદ પોલીસે દારૂ સાથે બે આરોપીઓની ધરપકડ કરી છે. પોલીસે મુદ્દામાલ જપ્ત કરી કાયદેસરની કાર્યવાહી હાથધરી છે.