વડોદરાની આ શાળામાં વિદ્યાર્થી ઘર કરતા સ્કુલને વધુ પસંદ કરે છે. ત્યાં વિદ્યાર્થીઓનો વિષયોની સાથે સાથે જીવનના પાઠ પણ ભણાવવામાં આવે છે.
શિક્ષણની સાથે ખેતીની સમજ, કિચન ગાર્ડન કોન્સેપ્ટ
17 વર્ષથી ચાલે છે કિચન ગાર્ડન, બાળકોને મળે છે ભરપેટ ભોજન
મધ્યાહન ભોજન માટે ઉપયોગ, વિદ્યાર્થીઓ આપે છે 100 ટકા હાજરી
વડોદરા જિલ્લાના ડભોઈના વાયદપુર ગામમાં કિચન ગાર્ડન ચલાવવામાં આવી રહ્યું છે.. શિક્ષણની સાથે બાળકોને અહીં શાકભાજી અંગે જ્ઞાન આપવામાં આવે છે. અને આ જ શાકભાજીમાંથી મધ્યાહન ભોજન આપવામાં આવે છે.
ધોરણ 1થી 6 સુધી વિદ્યાર્થીઓને અહીં ભણાવવામાં આવે છે
વાયદપુર પ્રાથમિક શાળાના આચાર્ય નરેન્દ્ર ચૌહાણે 17 વર્ષ પૂર્વે આ કિચન ગાર્ડન પ્રોજેક્ટની શરૂઆત કરી હતી. ધોરણ 1થી 6 સુધી વિદ્યાર્થીઓને અહીં ભણાવવામાં આવે છે. અહીં ગ્રામજનો ગરીબ હતા. જેથી મજૂરી કરીને ગુજરાન ચલાવતા હતા. જેથી બાળકોનો અભ્યાસ પણ બગડતો હતો.
શાળામાંથી ફૂડ, કપડાં, સ્ટેશનરી પણ બાળકોને આપવામાં આવે છે
જોકે હવે તમામ બાળકોને કિચન ગાર્ડમાં ઉગાડેલા શાકભાજીથી સારું ભોજન આપવામાં આવે છે. તો અહીં શાળામાંથી ફૂડ, કપડાં, સ્ટેશનરી પણ બાળકોને આપવામાં આવે છે. જેનાથી તેમના ચહેરા પર સ્મિત જોવા મળે છે.
તો અહીં આચાર્ય નરેન્દ્ર ચૌહાણે આવીને બાળકોની જિંદગીમાં ચાર ચાંદ લગાવી દીધા છે. જે બાળકો પહેલા અભ્યાસ માટે ન સ્કૂલમાં નહોતા જતા. તે બાળકો હવે સ્કૂલમાં ફરજિયાત હાજરી આપે છે.
આચાર્ય નરેન્દ્ર ચૌહાણે આવીને બાળકોની જિંદગીમાં ચાર ચાંદ લગાવી દીધા
નરેન્દ્ર ચૌહાણનું માનવું છે કે આવું કરવાથી બાળકોમાં ખેતીની સમજ પણ આવે છે. અને ભાવિ પેઢીને પણ માર્ગદર્શન મળી રહે તેવો પણ તેમનો હેતુ છે.