વડોદરા શહેરના લક્ષ્મીપુરા ગોરવા રોડ પર આવેલ શિવાલય બગલોઝમાં રહેતાં યુવાન કોન્ટ્રાકટર અને તેની પત્નીએ ઝેર ગટગટાવી લેતા યુવકનું મોત થયું છે જ્યારે પત્નીને સારવાર માટે ખાનગી હોસ્પિટલમાં ખસેડવામાં આવી છે. કોન્ટ્રાકટરે આપઘાત કરતાં પહેલાં WhatsAppમાં 'અલવિદા' નામનું ગ્રુપ બનાવી તેમાં લખ્યું હતું કે શહેરના બિલ્ડરો દ્વારા તેને તેના બાકી નાણાં પરત નથી મળ્યા તે કારણે માથે દેવું થઈ ગયુ હોવાની વાત કરી હતી. પોલીસે આ બનાવ અંગે ફરિયાદ નોંધી આગળની કાર્યવાહી હાથ ધરી છે.
શહેરના લક્ષ્મીપુરા ગોરવા રોડ પર રહેતાં ચાલીસ અલ્પેશ વિનુભાઇ ઠક્કર અને તેની પત્નીએ શહેરના સીમાડે આવેલ ભીમપુરા સમલાયા રોડ પર આવેલ મંદિર પાસે પોતાની કારમાં ઝેરી દવા પીને આપઘાત કરવાની કોશિષ કરી હતી.
જે અંગે આ દંપતીને સારવાર અર્થે ખાનગી હોસ્પિટલમાં આવ્યા હતા પરંતુ સારવાર દરમ્યાન અલ્પેશ ભાઈનું મોત નીપજ્યું હતું જ્યારે પત્ની હીનાબેન ગંભીર હાલતમાં હોવાનું તબીબોએ જણાવ્યું હતું. WhatsApp ગ્રુપની માહિતી ઉપર પોલીસે કાર્યવાહી હાથ ધરી છે.