વડોદરા શહેરમાં રિયલ એસ્ટેટની કંપની બ્રોડ-વે ગ્રુપ પર ઇન્કમટેક્સ વિભાગના દરોડા પડ્યાં છે. જેમાં કરોડોના બેના વ્યવહાર મળી આવ્યાં છે. આ સાથે 10 કરોડની ઇન્કમટેક્સની ચોરી પણ ઝડપાય છે. શહેરના ગોત્રી, સેવાસી, ભાયલીમાં પ્રોજેક્ટની ઓફિસમાં આઇટી ડિપાર્ટમેન્ટ દ્વારા તપાસ કરવામાં આવી રહી છે.
વડોદરા બિલ્ડર બ્રોડ-વે ગ્રુપ પર IT વિભાગે દરોડા પાડ્યા છે. ITના દરોડામાં 10 કરોડની ઇન્કમટેક્સની ચોરી ઝડપાઇ છે. પ્રોજેક્ટનો ખર્ચ વધારે બતાવતા હોવાનું સામે આવ્યું છે ત્યારે રિયલ એસ્ટેટના બેનામી વ્યવહારો, પ્રિમયમની આવકમાં તપાસ કરવામાં આવી રહી છે.
ગોત્રી, સેવાસી, ભાયલીમાં પ્રોજેકટની ઓફિસમાં તપાસ કરવામાં આવી છે. જ્યારે જેતલપુર રોડના ઈલેક્ટ્રીક કોન્ટ્રાકટરની 2 કરોડની કરચોરી ઝડપાઇ છે.
ઉલ્લેખનીય છે કે છેલ્લા બે દિવસથી વડોદરા શહેરમાં આવેલ બ્રોડ-વે ગ્રુપ ર ઇન્કમટેક્સ વિભાગની તવાઇ ચાલી રહી છે. બ્રોડ-વે ગૃપના હોદ્દેદારો પર પર ઇન્કમ ટેક્ષ વિભાગના દરોડા પડ્યા છે. ગ્રુપના અનેક પ્રોજેક્ટમાં કાળુ નાંણાના રોકાણ કરવાની માહિતીને લઈ તપાસ કરવામાં આવી રહી છે.
બ્રોડ-વે ગૃપના જીતેન્દ્ર જોશી, રાજન દોશીને ત્યાં તપાસ શરૂ કરાઇ હતી. આ સાથે જ મયુર શનિની ઓફિસ અને નિવાસો પર પણ સર્ચ ઓપરેશન શરૂ કરવામાં આવ્યું હતું. નોટીબંધી બાદ મુંબઈના વેપારીઓએ કાળા નાંણા રોક્યાની માહિતી મળી છે. મુંબઈના કાળાનાણાનું પગેરુ વડોદરામાં પહોચ્યાની આશંકાએ તપાસ હાથ ધરવામાં આવી છે.