હજુ પણ ફીફાં / વડોદરા હાઇપ્રોફાઇલ રેપ કેસમાં ભીનું સંકેલાયાનો આરોપ: એક સપ્તાહ બાદ પોલીસના હાથ ખાલી, આરોપીએ આગોતરા જામીન માંગ્યા

• વડોદરા દુષ્કર્મ કેસમાં હજુ પણ પોલીસના હાથ ખાલી 
• પૂછપરછ અને તપાસ પછી કોઈ નક્કર કાર્યવાહી નહિ 
• પોલીસને હાથ લાગે તે પહેલા અશોક જૈનની આગોતરા 

ગુજરાતમાં દિવસે-દિવસે રહસ્યમય બનતા જતા વડોદરાના દુષ્કર્મ કેસમાં ક્રાઈમ બ્રાંચ હાથમાં મોર ચીતરાવે છે અને આરોપી અશોક જૈન, રાજુ ભટ્ટ અને અલ્પુ સિંધી પોત-પોતાની વ્યવસ્થામાં લાગી ગયા છે. રવિવારે જ VTV એ કહ્યું તેમ,આરોપીઓ ટેલીફોનીક વાતચિત કરે છે,ઓડિયો પણ વાયરલ થાય છે અને શહેરના એક બુટલેગરને પણ જો હજુ પોલીસ ના શોધી શક્તિ હોય તો,સામાન્ય માનવીને આ કેસ વધુ રહસ્યમય લાગવાનો જ છે. વડોદરામાં રહીને ખાનગી યૂનિવર્સીટીમાં અભ્યાસ કરતી હરિયાણવી યુવતી સાથે પાપાચાર આચર્યાની ફરિયાદના  એક સપ્તાહ પછી પણ,ક્રાઈમ બ્રાન્ચની સાત-સાત ટીમને ચકમો આપી ઓઝલ થઇ ગયા છે.વડોદરાના દુષ્કર્મ કેસથી કૂખ્યાત થયેલા CA અશોક જૈનએ  આગોતરા જામીન અરજી કરી છે. તો પાવાગઢ મંદિર  ટ્રસ્ટનો પૂર્વ સેક્રેટરી રાજુ ભટ્ટ અંગે પણ કોઈ સગડ નથી,કે નથી બુટલેગર અલ્પુ સિંધી અંગે પોલીસને કઈ-ખર-ખબર.  

બુલેગર પણ નથી મળતો ? 

વડોદરાના નિસર્ગ ફ્લેટમાં ગુપ્ત કેમેરાઓથી અશોક જૈનએ  કેટલાય વિડીયો બનાવ્યા હોવાની આશંકા પ્રવર્તે છે.અશોક જૈનને ઝડપી લેવા પોલીસે ચક્રો ગતિમાન કર્યા છે અને 7 જેટલી ટીમ બનાવ્યા પછી પણ પોલીસના હાથે અશોક જૈનના કોઈ સુરાગ નથી. ક્રાઈમ બ્રાંચે રાજસ્થાન અને મધ્યપ્રદેશ સુધી ટીમ દોડાવી છે. બીજી તરફ રાજુ ભટ્ટ અંગે પણ કોઈ સગડ પ્રાપ્ત નથી થયા.શનિવારે લગભગ 22 થી 25 જણાની માત્ર પૂછ પરછ થઇ છે પણ નક્કર  કોઈ કડી પોલીસને હાથ આવી હોય તેમ અત્યારે લાગતું નથી. રાજૂ ભટ્ટ અને અલ્પુ સિંધીને પણ પોલીસ શોધી રહી છે. અલ્પુ સિંધી બૂટલેગર છે અને પોલીસ જાણતી ના હોય તેવું બને પણ નહિ.આમ છતાં અલ્પુ સિંધીને શોધવો પડી રહ્યો હોય તો એથી વિશેષ નવાઈની વાત કોઈ હોય પણ ના શકે. 

અશોક જૈનની આગોતરા જામીન અરજી 
વડોદરાની સેશન્સ કોર્ટમાં CA અશોક જૈનએ પોતાના વકીલ હિતેશ ગુપ્તા મારફત આગોતરા જામીન અરજી કરી છે. ઉલ્લેખનીય છે કે, અશોક જૈન એવો કહેવાતો વગદાર છે કે, પોલીસ પણ હજુ સુધી તેના સગડ પારખી શકી નથી. બીજી તરફ શનિવારે પોલીસે 25 જેટલા શખ્સોની પૂછપરછ કર્યા બાદ એ દિશામાં કોઈ નક્કર કાર્યવાહી કરી હોય તેવું હજુ સુધી ફલિત થયું નથી. માત્ર અશોક જૈનના  ભત્રીજાની પુછપરછ અને ગોત્રી વિસ્તારના એ ફ્લેટ,જેમાં દુષ્કર્મ આચર્યા સાથે અશ્લિલ ફોટા/વિડીયોસ ખેંચી, વાયરલ કર્યાનો પોલીસ ફરિયાદમાં પીડિતાએ આરોપ લગાવ્યો છે.આ ધરીની આસપાસ જ હજુ પણ તપાસ ચાલી રહી છે. 

મહોરા ચાલે છે ચાલ 
દુષ્કર્મ કેસમાં મયંક નામના શખસ પાસે આરોપી રાજુ ભટ્ટ મામલો પતાવવા માટે આજીજી કરી રહ્યો છે. જ્યારે મયંક ત્રીજા શખ્સનો ઉલ્લેખ કરે છે. આ વ્યક્તિ બરાબર નથી તેવું પણ કહે છે. આ ત્રીજો કોણ છે ? અને સમગ્ર દુષ્કર્મ પ્રકરણમાં તેની શી ભૂમિકા છે ? મયંક અને આ ત્રીજો કેવી રીતે સંકળાયેલા છે . તે પણ રહસ્ય ઘેરું બનતું જાય છે. ટેલીફોનીક વાતચીતમાં રાજુ કહે છે કે, હું એ વ્યક્તિને ઓળખતો નથી, મને નામ સુદ્ધા ખબર નથી. મતલબ એ છે કે આ ત્રીજો શખ્સ, આખા કેસની સીલસીલાબંધ વિગત જાણે છે.અને કેસમાં ભીનું પણ સંકેલી શકે તેવી મહારત હોવાનું ઓડિયો કલીપ પરથી ફલિત થાય છે.

વડોદરા હાઇપ્રોફાઇલ કેસમાં ક્યારે શું થયું?

20મી સપ્ટેમ્બર
પીડિત યુવતીએ ફરિયાદ નોંધાવી
ફરિયાદમાં વડોદરાના બે જાણીતા લોકોના નામ
એડવોકેટ અશોક જૈન અને પાવાગઢના પૂર્વ ટ્રસ્ટી રાજુ ભટ્ટ સામે ફરિયાદ
વડોદરાના ગોત્રી પોલીસ સ્ટેશનમાં નોંધાઇ હતી ફરિયાદ

21મી સપ્ટેમ્બર 
અશોક જૈન અને રાજુ ભટ્ટને ઝડપવા પોલીસે કાર્યવાહી શરૂ કરી

22 સપ્ટેમ્બર 
પાવાગઢના ટ્રસ્ટી રાજુ ભટ્ટ અને CA અશોકના ઘરે દરોડા
યુવતીનો મિત્ર અને ફરિયાદ નોંધાવવા સાથે આવેલા બંને બુટલેગર હોવાનો ખુલાસો 
અલ્પુ સિંધી અને પપ્પુ ડાવર બંને લિસ્ટેડ બુટલેગર
યુવતીનું 164 મુજબ લેવામાં આવ્યું નિવેદન

23મી સપ્ટેમ્બર
રાજુભટ્ટે પાવાગઢ ટ્રસ્ટના સેક્રેટરી પદેથી આપ્યુ રાજીનામું
દુષ્કર્મ કેસમાં આવ્યો નવો વળાંક
બુટલેગર અલ્પુ સિંધીનું પૈસા પડાવવાનું ષડયંત્ર ખુલ્યું
યુવતીના મિત્ર અલ્પુ સિંધીની ઓડિયો ક્લીપ વાયરલ થઇ
અલ્પુ સિંધી આરોપી અશોક જૈનને ફોન પર આપી રહ્યો છે ધમકી
મયંકભાઇ સાથે વાત કરી લેજો નહીં તો વીડિયો વાયરલ કરવાની ધમકી

24 સપ્ટેમ્બર 
આરોપી અશોક જૈને ગૃહ રાજ્યમંત્રી અને DGPને કરી અરજી
પોલીસ કમિશનર અને સ્થાનિક PIને કરી અરજી
બદનામ કરવા અને પૈસા પડાવવા ષડયંત્ર કર્યાનો આક્ષેપ
બુટલેગર અલ્પુ સિંધી પર આક્ષેપ 
બુટલેગર અલ્પુ સિંધીએ યુવતીને માર માર્યાનો આરોપ
અલ્પુ યુવતીને ખોટી ફરિયાદ કરવા દબાણ કરતો હોવાનો આરોપ
યુવતીના બેંક ખાતામાં 41 લાખની શંકાસ્પદ એન્ટ્રી પણ મળી

24મી સપ્ટેમ્બર
હાઇપ્રોફાઇલ કેસની તપાસ  ક્રાઇમ બ્રાંચને સોપવામાં આવી
સમગ્ર કેસ પર પોલીસ કમિશનરની નજર

24 સપ્ટેમ્બર
યુવતીએ પોલીસમાં પુરાવા તરીકે અનેક ફોટો આપ્યા
CA અશોક જૈન, સેક્રેટરી રાજુ ભટ્ટના ફોટો આપ્યા
દિવાડીપુરાના નિસર્ગ કોમ્પ્લેક્સમાં દુષ્કર્મ આચર્યાનો ખુલાસો

25 સપ્ટેમ્બર 
પોલીસે અશોક જૈન અને રાજુ ભટ્ટ સામે લુકઆઉટ નોટિસ જાહેર કરી
અમદાવાદ સહિત દેશના તમામ એરપોર્ટ પર વોચ 
આરોપી અશોક જૈન અને રાજુ ભટ્ટને પકડવા સર્ચ 
ક્રાઇમ બ્રાંચની ટીમોએ રાજસ્થાન અને અમદાવાદમાં સર્ચ હાથ ધર્યું 
આરોપીઓ વિદેશ ભાગી ગયા હોવાની ચર્ચા

25મી સપ્ટેમ્બર
હાઇપ્રોફાઇલ કેસમાં વડોદરામાં પોલીસે તપાસ તેજ કરી
નિસર્ગ ફ્લેટના માલિક રાહિલ જૈનને પૂછપરછ માટે બોલાવ્યા
બે લક્ઝુરિયસ કાર ડિટેઇન કરી
CA અશોક જૈનની કાર પોલીસે ડિટેઇન કરી
અશોક જૈનની ઓફિસના અને કેસને લગતા લોકોની કરી પૂછપરછ
આરોપીઓને પકડવા પોલીસે 6 ટીમો બનાવી 
પીડિત યુવતીની પણ પોલીસે ઉલટ તપાસ શરૂ કરી

26 સપ્ટેમ્બર 
અશોક જૈનને ભાગેડુ જાહેર કરવા તજવીજ
અશોક જૈનની મિલકતો ટાંચમાં લેવાશે
પીડિતાએ સ્પાય કેમેરો પોલીસ સમક્ષ રજૂ કર્યો
મેમરી કાર્ડ કોની પાસે છે તે રહસ્ય અકબંધ
પીડિતાને મદદ કરનાર તેના બુટલેગર મિત્રની શોધખોળ
બુટલેગર અલ્પુ સિંધીને શોધવા જિલ્લા પોલીસની ટીમો જોડાઈ

26 સપ્ટેમ્બર
રાજુ ભટ્ટે મામલાની પતાવટ માટે ધમપછાડા કરતો હોવાનો ઓડિયો વાયરલ
કેસને રફેદફે કરવા માટે રાજુ ભટ્ટે કરી મયંક નામની વ્યક્તિ સાથે વાતચીત

26 સપ્ટેમ્બર
દુષ્કર્મના આરોપી અશોક જૈનને લઈને મોટો ખુલાસો થયો
યુવતી સાથે જે ફ્લેટમાં દુષ્કર્મ થયું ત્યાં મોટા માથાઓની પણ હતી અવરજવર
નિસર્ગ કોમ્પ્લેક્ષના ફ્લેટ નં-903નો હનીટ્રેપ માટે ઉપયોગ કરાયાની શક્યતા
ફ્લેટમાં લગાડેલા ગુપ્ત કેમેરાથી અનેક વીડિયો અશોક જૈને બનાવ્યાની આશંકા

27 સપ્ટેમ્બર
DCP ઝોન-2 જયરાજસિંહ વાળાને સોંપાઈ તપાસ
હાઈપ્રોફાઈલ દુષ્કર્મ કેસમાં પૂર્વ PI સુધી તપાસ પહોંચી
ક્રાઈમ બ્રાંચના પૂર્વ PI એ.બી.જાડેજા વિરુદ્ધ તપાસ 
પૂર્વ PI એ.બી.જાડેજાએ રાજુ ભટ્ટ સાથે મુલાકાત કરી તેની તપાસ થશે
DCP ઝોન-2 જયરાજસિંહ વાળાને સોંપાઈ તપાસ
ક્યાં અને કોની હાજરીમાં રાજુ ભટ્ટ સાથે મુલાકાત કરી તેની થશે તપાસ
સમાધાનમાં પૂર્વ PIની ભૂમિકાની પણ ઉઠી રહી છે ચર્ચા

27 સપ્ટેમ્બર 
આરોપી અશોક જૈનના વકીલે કરી અરજી
વડોદરા સેશન્સ કોર્ટમાં હિતેશ ગુપ્તાએ કોર્ટમાં આગોતરા જામીન અરજી કરી 
અશોક જૈન ફરિયાદ નોંધાયા બાદથી જ છે ફરાર

પોલીસે અત્યાર સુધી શું કર્યુ?

20મી સપ્ટેમ્બરે વડોદરાના ગોત્રી પોલીસ સ્ટેશનમાં નોંધાઇ હતી ફરિયાદ
21મી સપ્ટેમ્બરથી આરોપીને શોધવા તપાસ કરતી હોવાનો દાવો
ગુજરાત સહિત મધ્યપ્રદેશ-રાજસ્થાન સુધી ક્રાઇમ બ્રાન્ચે આરોપીને પકડવા તપાસ લંબાવી
પોલીસની 7 ટીમો અલગ અલગ દિશામાં કરી રહી છે તપાસ
પાવાગઢ ટ્રસ્ટના પૂર્વ ટ્રસ્ટી રાજુ ભટ્ટ અને CA અશોકના ઘરે દરોડા કર્યા
નિસર્ગ ફ્લેટના માલિક રાહિલ જૈનને પૂછપરછ માટે બોલાવ્યા
બે લક્ઝુરિયસ કાર ડિટેઇન કરી
આરોપીઓને પકડવા પોલીસે 6 ટીમો બનાવી 
પીડિતાને મદદ કરનાર તેના બુટલેગર મિત્રની શોધખોળ
DCP ઝોન-2 જયરાજસિંહ વાળાને સોંપાઈ તપાસ