વડોદરા / ગોત્રી હાઈપ્રોફાઈલ દુષ્કર્મ કેસમાં પીડિતા સાથે સમાધાનની કોશિશ કરનાર કેદારની 6 કલાક સુધી કરાઈ પૂછપરછ 

• વડોદરા હાઇપ્રોફાઇલ દુષ્કર્મ કેસ
• રાજુ ભટ્ટ વધુ 3 દિવસના રિમાન્ડ પર 
• કેદારની પોલીસે 6 કલાક કરી પૂછપરછ

વડોદરામાં ટોક ઓફ ધી ટાઉન બનેલા હાઈપ્રોફાઈલ દુષ્કર્મ કેસમાં આરોપી રાજુ ભટ્ટ વધુ 3 દિવસના રિમાન્ડ પર છે ત્યારે પીડિતા સાથે સમાધાનની કોશિશ કરનાર કેદાર ઉર્ફે કાણિયાની પોલીસે દ્વારા 6 કલાક સુધી પૂછપરછ હાથ ધરી હતી. ગોત્રી દુષ્કર્મ કેસમાં બુટલેગર અલ્પુ સિંધી અને મયંક નામના શખ્સ સાથે સમાધાન બાબતે થયેલી વાતચીતની એક ઓડીયોમાં સામે આવ્યો હતો જેમાં દુષ્કર્મ કેસમાં સમાધાન બાબતે ધર્મેન્દ્રસિંહ વાઘેલા અને કેદાર કાણીયાના નામ ઉલ્લેખ થયો હોવાનું સામે આવ્યું હતું.

કેદારની પોલીસે 6 કલાક કરી પૂછપરછ

જે બાદ ઓડિયો ક્લીપને લઈને પોલીસે સમાધાનની વાત કરનાર કેદાર કાણીયાની 6 કલાક સુધી પૂછપરછ હાથ ધરી હતી, આપને જણાઈ દઈએ કે આ પૂછપરછમાં કેદાર કાણીયાએ કહ્યું હતું કે આરોપી રાજુ ભટ્ટ તેનો મિત્ર છે, અને રણોલી ખાતે બોલાની સમાધાન માટે મયંકને પણ વાત કરવાનું સમાધાન કરવાની વાત કરી હતી. જો કે બૂટલેગર અલ્પુ સિંધી અને મયંક નામના શખ્સ વચ્ચે થયેલી વાતચીતની ઓડીયો ક્લીપ વાયરલ થયો હતો  જે બાદ કેદાર કાણીયાને ક્રાઇમ બ્રાન્ચે રવિવારે બોલાવી હાજર થવાનું સમન્સ આપવામાં આવ્યું હતું. આ દરમિયાન ઉચ્ચ અધિકારીઓએ તેની 6 કલાકથી વધુ લાંબી મેરેથોન પુછપરછ કરી હતી.

ધર્મેન્દ્રસિંહ વાઘેલાના પેટ્રોલપંપ પર કાવતરું ઘડાયું 

હાઈપ્રોફાઈલ દુષ્કર્મ કેસમાં કાનજી મોકરિયાની પોલીસ પૂછપરછમાં એવો ખુલાસો સામે આવ્યો છે કે આરોપી રાજુ ભટ્ટને ભગાડવાનું આ કાવતરું રણોલીમાં રાજકીય અગ્રણી ધર્મેન્દ્રસિંહ વાઘેલાના પેટ્રોલપંપ પર ઘડાયું હતું જેમાં રાજુ ભટ્ટ, કાનજી મોકરિયાની  પેટ્રોલપંપ પર મિટિંગ થઈ જેમાં  ધર્મેન્દ્રસિંહ વાઘેલા પાછળથી જોડાયા હતા તો ધર્મેન્દ્રસિંહ વાઘેલાએ મામલાની પતાવટ કરવા મયંક બ્રહ્મભટ્ટને કહ્યું હતું ત્યારે આ કેસમાં  ધર્મેન્દ્રસિંહ વાઘેલાનો કોઈ રોલ છે કે નહી તે દિશામાં પણ પોલીસે તપાસ હાથ ધરી છે.