વડોદરા: સામાન્ય રીતે પોલીસ જવાનોની કોઇ સુરક્ષા હોતી નથી. કોઇપણ સુરક્ષા વગર વારંવાર રાયોટિંગનો સામનો કરતા હોય છે. ત્યારે વડોદરા પોલીસના જવાનો માટે અનેક સુવિધા અને સુરક્ષાથી સજ્જ હેલ્મેટ અને જેકેટ બનાવ્યા છે.
વડોદરામાં પોલીસના જવાનોને સુરક્ષા પૂરી પાડવા માટે હેલ્મેટ અને જેકેટ ખાસ પ્રકારે તૈયાર કરાયા છે. સુરક્ષા એજન્સીઓમાં વપરાતા જેકેટ અને હેલ્મેટથી કંઇક અલગ છે. જેકેટની ખાસ વિશેષતા એ છે કે આ જેકેટથી પોલીસના જવાનને શરીરને ઇજા બચાવે છે. આગ સામે પણ રક્ષણ આપે છે.
તો આ હેલ્મેટને ખાસ પ્રકારની ડિઝાઇનથી તૈયાર કરાયું છે. આ હેલ્મેટ અનબ્રેકેબલ છે. સાથેજ કોમ્યુનિકેશન સીસ્ટમ એર માસ્ક છે. જેમાં પોલીસ જવાનની મેડિકલ વિગત હશે જેવી કે બ્લડગ્રુપ કંઇ દવાનું રિએક્શન આવે છે. તેની વિગતો હશે. અત્યારે 80 હેલ્મેટ અને 80 જેકેટ વસાવવામાં આવ્યા છે.
ખાનગી કંપનીએ પોલીસ જરૂરિયાત મુજબ અને બેસ્ટ કવોલિટીની સાથે વજનમાં એકદમ હળવા બનાવ્યા છે. જેકેટ અને હેલ્મેટમાં ગુજરાત પોલીસનો લોગો રાખવામાં આવ્યો છે. આ હેલ્મેટ અને જેકેટના કારણે કોઇપણ સ્થિતિમાં કામ કરવા માટે જવાનોનું મનોબળ વધશે તેવી આશા છે.
પોલીસની સુરક્ષાને ધ્યાનમાં લઈને વડોદરા પોલીસ કમિશનરે આ બાબતને વ્યક્તિગત લીધી છે અને વારંવાર થતા તોફાનોમાં તેમને પણ પથ્થરમારોનો સામનો કર્યો છે. પોલીસ જવાનો ની સુરક્ષા માં ભરવામાં આવેલું આ પગલું આગામી સમય માં આખા રાજ્ય અને દેશ ની પોલીસ માટે અનુકરણીય બાબત બની રહે તો નવાઈ નહિ.