ગુજરાતમાં સતત વરસાદના કારણે અનેક જિલ્લાઓની પરિસ્થિતિ વણસી રહી છે. સુરતમાં જ્યાં લોકો ત્રાહિમામ પોકારી રહ્યા છે ત્યારે વડોદરાવાસીઓ પણ વિશ્વામિત્રી નદીનો ખતરો સતત વધી રહ્યો છે. વિશ્વામિત્રી નદીના જળસ્તરમાં સતત વધારો થઇ રહ્યો છે.
વરસાદને કારણે પરશુરામ ભઠ્ઠા વિસ્તારમાં ભરાયા પાણી
વિશ્વામિત્રી નદીનું લેવલ 22.75 ફૂટ થયું
સુભાષનગરના લોકોએ સ્વંયભુ મકાનો કર્યા ખાલી
વડોદરામાં 2 કલાકથી ધોધમાર વરસાદ
વડોદરામાં 2 કલાકથી સતત ધોધમાર વરસાદ વરસી રહ્યો છે જેના કારણે વિશ્વામિત્રી નદીનું લેવલ 22.75 ફૂટ થયું. વરસાદનાં કારણે પરિસ્થિતિ એટલી વિકટ બની ગઈ છે કે સુભાષનગરમાં લોકોએ સ્વંયભૂ સ્થળાંતર કરવાની ફરજ પડી છે. વિશ્વામિત્રી નદીનું જળસ્તર સતત વધી રહ્યું છે જેના કારણે લોકોએ ઘર ખાલી કરવા પડી રહ્યા છે. વડોદરાનું જેતલપુર ગરનાળું બંધ કરી દેવતા કેટલાય વાહનચાલકો પણ અટવાઈ ગયા છે. સતત વરસાદના કારણે પરિસ્થિતિ ખરાબ થઇ રહી છે ત્યારે કંટ્રોલરૂમ દ્વારા સતત નજર રાખવામાં આવી રહી છે.
22.75 ફૂટના લેવલે વહી રહી છે વિશ્વામિત્રી નદી
વડોદરામાં ભારે વરસાદના કારણે વિશ્વામિત્રી નદીની જળસપાટીમાં વધારો થયો છે. વિશ્વામિત્રી નદીની ભયજનક સપાટી 26 ફૂટ છે. નદીની સપાટી વધતા નીચાણવાળા વિસ્તારના લોકોને સુરક્ષિત સ્થળે ખસેડવામાં આવ્યા છે. સયાજીગંજના સુભાષનગરમાંથી 20 પરિવારના 87 લોકોનું સ્થળાંતર કરાયું છે તો કારેલીબાગના જલારામ નગરમાંથી 8 પરિવારના 20 લોકોનું સ્થળાંતર કરવામાં આવ્યું છે.
વડોદરાની ઢાઢર નદી બે કાંઠે વહેતી થઈ
વડોદરાના ડભોઇ તાલુકાના 13 ગામોને અલર્ટ કરી દેવાયા છે. ઉપરવાસમાં વરસાદના કારણે ઢાઢર નદીમાં ઘોડાપૂર આવ્યું છે. ત્યારે ડભોઇ તાલુકાના નારણપુરા ગામમાં મુશ્કેલી સર્જાઇ છે. ત્યારે VTVની ટીમ નારણપુરા ગામમાં પહોંચતા પાણી ડૂબેલા ગામના દ્રશ્યો જોવા મળ્યા. પાણી ભરાઇ જતા લોકો ઘરની બહાર પણ નથી નીકળી શકતા અને તંત્ર દ્વારા પણ કોઇ મદદ નદી કરવામાં આવી. ત્યારે ગ્રામજનો તંત્ર પાસે ફૂડ પેકેટની માગ કરી રહ્યાં છે.
વડોદરામાં જામ્બુવા નદીની સપાટી વધી
વડોદરામાં ભારે વરસાદના કારણે જામ્બુવા નદીની સપાટી સતત વધી રહી છે. જેના કારણે આસપાસના વિસ્તારોમાં પાણી ઘૂસી ગયા છે. નદીની સપાટી વધતા ધનિયાવી ગામ પાસે કાર ચાલક નદીના પાણીમાં ફસાઇ ગયા હતા. કારચાલક વૃદ્ધ જીવ બચાવવા માટે કારના બોનેટ પર ચઢી ગયા હતા. ત્યારે ફાયર બ્રિગેડની ટીમ દ્વારા કારચાલકને બચાવામાં આવ્યા છે. હાલ જામ્બુવા નદી બે કાંઠી વહી રહી છે.