લાપતા / અમેરિકામાં ગુમ થયેલી વડોદરાની યુવતીને FBIએ 3 વર્ષ બાદ મિસિંગની યાદીમાં મૂકી, પરિવારજનોની આશા બંધાઈ

• અમેરિકામાં અભ્યાસ માટે ગયેલી વડોદરાની યુવતી ગુમ 
• માયુષી ભગત નામની યુવતી છેલ્લા 3 વર્ષથી થઈ છે ગુમ 
• FBIએ 3 વર્ષ બાદ મિસિંગની યાદીમાં માયુષીનું નામ જાહેર કર્યું

અમેરિકામાં અભ્યાસ અર્થે ગયેલી વડોદરાની માયુષી ભગત નામની વિદ્યાર્થિની ત્રણ વર્ષ પહેલા ગુમ થઇ હતી. 2019  ની સાલમાં ન્યૂજર્સીમાંથી ગુમ થયેલી યુવતીની આજ સુધી ક્યાંય ભાળ મળી નથી. તેવામાં છેલ્લા 3 વર્ષથી લાપતા બનેલી માયુષી ભગતની અમેરિકાની તપાસ એજન્સી FBIએ મિસિંગ પર્સનની યાદીમાં નામ જાહેર કર્યું છે. FBI દ્વારા પ્રસિદ્ધ કરાયેલી યાદીમાં માયુષી ભગતના નામની સાથે કોઇ પણ લોકોને જાણ થાય તો  FBI નો સંપર્ક કરવા પણ અનુરોધ કરવામાં આવ્યો છે.  જેંને લઇને પરિવારજનોને પણ આશા બંધાઇ છે.ત્યારે સરકાર માયુષીને શોધવામાં મદદ કરે તેવી માયુષીના દાદી સરકાર સમક્ષ વિનવણી કરી રહ્યા છે. 

29 એપ્રિલ 2019થી ગુમ છે માયુષી ભગત 
વડોદરાના ઓમનગર ખાતે રહેતા વિકાસભાઈ ભગતની દીકરી માયુષી વાઘોડિયાએ પ્રાથમિક શિક્ષણ પૂર્ણ કર્યા બાદ પારુલ યુનિવર્સિટીમાં ડિપ્લોમા કર્યું હતું. એ બાદ વડોદરા ઇન્સ્ટિટ્યૂટ ઓફ ટેક્નોલોજી ખાતે ડીગ્રી મેળવી હતી. વધુ ભણવા માટે તે  વર્ષ-2016માં અમેરિકા ગઈ હતી. માયુષી સ્ટુડન્ટ વિઝા મેળવી અમેરિકાના ન્યુજર્સીમાં ઇન્સ્ટિટયૂટ ઓફ ટેકનોલોજીમાં માસ્ટર કરવા ગઈ હતી.  જયા ડિસેમ્બર 2016માં ન્યૂયોર્ક ઇન્સ્ટિટ્યૂટ ઓફ ટેક્નોલોજી ખાતે એડમિશન લીધું હતું. અભ્યાસ કાળ દરમિયાન અમેરિકા ગયા પછી માયુષી બે વખત વડોદરા પોતાના પરિવારની મુલાકાતે આવી હતી. ત્યારબાદ માયુષી 29 એપ્રિલ 2019ના રોજ છેલ્લીવાર ન્યૂજર્સીમાં દેખાયા બાદ  માયુષી ભગત 29 એપ્રિલ 2019થી ગુમ છે. જે અંગે પરિવારજનોએ સ્થાનિક પોલીસ અને સરકારને જાણ કરી છે. છતા આજ સુધી તેનો પત્તો મળ્યો નથી. 

ન્યુજર્સીમાં ઇન્સ્ટિટયૂટ ઓફ ટેકનોલોજીમાં માસ્ટર કરવા ગઈ હતી 
માયુષીનો પરિવાર પણ અમેરિકામાં  સ્થાયી થયો છે તેમણે માયુષીને શોધવા ખૂબ પ્રયાસો કર્યા છતા હજુ સુધી માયુષી મળી નથી. આથી પરિવાર ઊચક જીવે રાહ જોઈ રહ્યો છે. વતન વડોદરામાં માયુષીના દાદી સરસ્વતીબેન ભગતે જણાવ્યુ કે માયુષીની ખૂબ યાદ આવી રહી છે. સરકાર ધ્યાન આપતી ન હોવાથી માયુષી મળતી નથી. તે હેમખમ પરત મળી જાય કારણ કે તેના રંગે, ઉમંગે લગ્ન કરાવવા સહીતના ઓરતા અધુરા છે.