ગુજરાતની સંસ્કાર નગરી વડોદરાથી વહેલી સવારે માઠા સમાચાર આવ્યાં છે. જેમાં શહેરની GIDCમાં આવેલી જય એગ્રો નામની ઇન્ડસ્ટ્રીઝમાં ભીષણ આગનો બનાવ બન્યો. આ આગની ઝપેટમાં ઇન્ડસ્ટ્રીઝના ચાર શેડ આવ્યાં હોવાની વિગત મળી રહી છે. જ્યારે ફાયરબ્રિગેડની 10થી વધુ ગાડી ઘટના સ્થળે હાલ આગપર કાબુ મેળવવાનો પ્રયાસ હાથ ધરી છે.
વડોદરા GIDCની જય એગ્રો ઈન્ડસ્ટ્રીમાં વહેલી સવારે આગ
છેલ્લા બે કલાકથી લાગેલી આગ હાલ બેકાબૂ
ફાયર વિભાગની 10થી વધુ ગાડી ઘટનાસ્થળે
રાજ્યના વડોદરા શહેરમાં આવેલ GIDCમાં જય એગ્રો ઈન્ડસ્ટ્રીમાં આજ રોજ વહેલી સવારે આગ લાગવાનો બનાવ બન્યો હતો. GDICમાં આવેલ એગ્રો ઈન્ડસ્ટ્રીના તમામ ચારેય શેડ આગની ઝપેટમાં આવી ગયા હતા.
GIDCમાં આગ લાગવાની ઘટનાની જાણ થતાં ફાયર વિભાગના અધિકારીઓ ઘટનાસ્થળે દોડી આવ્યા છે. અપોલો, ગેલ ઈન્ડીયા, ગુજરાત સ્ટેટ ડિઝાસ્ટર મેનેજમેન્ટ એથોરીટીના ફાયર ફાયટરોએ આગને કાબૂમાં લેવાના પ્રયાસ હાથ ધર્યાં છે.