વડોદરામાં ગોત્રી હોસ્પિટલમાં વર્ગ 4ના કર્મચારીઓ હડતાળ પર ઉતર્યા છે. ગોત્રી હોસ્પિટલમાં કોન્ટ્રાક્ટ પર કામ કરતા 250 જેટલા કર્મચારીઓ હડતાળમાં જોડાયા છે. આ કર્મચારીઓએ પડતર પ્રશ્નો મામલે વિરોધ પ્રદર્શન કર્યું. પગાર બોનસ સહિતના પ્રશ્નોના નિરાકરણની માગ સાથે કર્મચારીઓ હડતાળ પર ઉતર્યા છે.
આ મામલે મળતી વિગત મુજબ વડોદરા ખાતે આવેલ ગોત્રી હોસ્પિટલમાં વર્ગ 4ના કર્મચારીઓ હડતાળ પર ઉતરી જતા મામલો ગરમાયો હતો. શહેરની જાણીતી હોસ્પિટલના 250 જેટલા કર્મચારીઓ હડતાલ પર ઉતરી ગયા હતા.
હડતાલ પર ઉતરેલા કર્મચારીઓની માગ છે કે તેમના પગાર બોનસ સહિતના પ્રશ્નોના નિરાકરણ કરવાની પણ માગણી કરી હતી. હોસ્પિટલના 250 જેટલા કર્મીઓ એક સાથે અચાનક રજા પર ઉતરી જતાં સારવાર લઇ રહેલા દર્દીઓને હાલાકી ભોગાવવાનો વારો આવ્યો હતો.
જો કે આ મામલે ગોત્રી હોસ્પિટલના સંચાલકોએ આ મામલા અંગે કોઇપણ પ્રકારની વાતચીત કરી ન હતી. ત્યારે હવે જોવું જ રહ્યું કે આગામી સમયગાળામાં હડતાળ પર ઉતરેલા કર્મચારીના પ્રશ્નનું નિરાકરણ આવે છે કે નહીં.