વડોદરા ગેસ ચોરી મામલોઃ રાધિકા રાઠવાની થશે ધરપકડ એજન્સીનો પરવાનો રદ્દ

વડોદરાઃ સબસીડીના ગેસ બોટલમાંથી ગેસ ચોરીનુ કૌભાંડ સામે આવ્યું હતું. ત્યારે હવે પોલીસે રાધિકા રાઠવાને નોટિસ પણ ફટકારી છે. એજન્સીના માલિક રાધિકા રાઠવાની ધરપકડ કરવામા આવશે. પોલીસે રાધિકા રાઠવાની શોધખોળ હાથધરી છે.

મહત્વનુ છે કે વડોદરાના ગોત્રી વિસ્તારમાં ખોડિયાર નગરમાં SOGના અધિકારીઓએ રાધિકા ગેસ એજન્સીમા દરોડા પાડ્યા હતા. આ એજન્સીમાં બોટલોનુ સીલ તોડીને 1થી 5 કિલો ઓછો ગેસ આપવામાં આવતો હતો. ત્યારે હવે SOGએ 1 હજાર જેટલી ગેસ બોટલો અને રોકડ કબ્જે કરીને 16 લોકોની ધરપકડ કરી હતી.

રાધિકા રાઠવા ગેસ એજન્સીનો પરવાનો રદ્દ
વડોદરામાં કોંગ્રેસ સભ્ય રાધિકા રાઠવાની ગેસ એજન્સી પર ગેસચોરી મામલે કાર્યવાહી હાથ ધરવામાં આવી છે. આ મામલે VTVના અહેવાલની અસર થઈ છે. VTVના અહેવાલ બાદ હવે જીલ્લા પુરવઠા વિભાગ દ્વારા એજન્સીનો પરવાનો રદ્દ્ કરવામાં આવ્યો છે.

મહત્વનુ છે કે છેલ્લા ઘણા સમયથી રાધિકા ગેસ એજન્સી દ્વારા ગેસના બાટલામાં પુરતા પ્રમાણમાં ગેસ આપવામાં આવતો ન હતો. જેના કારણે ગ્રાહકો દ્વારા ફરિયાદ કરવામાં આવી હતી. ત્યાર બાદ SOGની ટીમ દ્વારા ગેસ એજન્સી પર દરોડા પાડવામાં આવ્યા હતા. SOGની ટીમે 700 જેટલી ગેસની બોટલો કબ્જે કરી હતી.