મોંઘવારીની સીઝન! / વડોદરાવાસીઓને રાંધણ ગેસમાં ફરી ડામ! વડોદરા ગેસ લિમિટેડ કંપનીએ PNG ગેસમાં કર્યો 7 રૂપિયાનો મસમોટો વધારો

• વડોદરામાં ઘરેલું ગેસના ભાવમાં વધારો 
• પ્રતિ યુનિટ ઘરેલું ગેસના ભાવમાં રૂપિયા 7નો વધારો
• વડોદરાના 2 લાખ જેટલા ઘરો સુધી પહોંચે છે આ ઘરગથ્થુ ગેસ

મોંઘવારી એ મઝા મૂકી છે. પેટ્રોલ-ડીઝલ બાદ વડોદરામાં PNG એટલે કે રાંધણ ગેસના ભાવમાં પ્રતિ યુનિટ રૂપિયા 7નો મસમોટો વધારો ઝીંકી દેવાતા ગૃહિણીઓના બજેટ પર તેની સીધી અસર જોવા મળશે. વડોદરામાં વડોદરા ગેસ લિમિટેડે દ્વારા ઘરેલું ગેસના ભાવમાં વધારો કરાયો છે. 7 રૂપિયાનો વધારો થતા ઘરેલું ગેસનો ભાવ રૂ. 31થી વધીને રૂ.38 થયો છે.

1 મેથી નવો ભાવ થશે અમલી
વડોદરામાં ઘરેલું ગેસના હાલ 2 લાખ જેટલા ગ્રાહકો છે. 1 મેથી નવો ભાવ અમલમાં મુકાશે. માર્ચ મહિનામાં પણ ઘરેલું ગેસના ભાવમાં વધારો કર્યો હતો. ઘરમાં પાઈપલાઈનની મદદથી કંપની ગેસ પહોંચાડે છે.

ગત મહિને 5.25 રૂપિયાનો થયો હતો ભાવ વધારો
ગત મહિને 1 માર્ચે પણ વડોદરા ગેસ લિમિટેડ કંપનીએ ઘરેલુ ગેસના ભાવમાં વધારો કર્યો હતો. પાઇપલાઇનથી લોકોના ઘરે મોકલવામાં આવતા ગેસના ભાવમાં 5.25 રૂપિયાનો વધારો કર્યો હતો. જેને લઇને ગેસનો ભાવ પ્રતિ યુનિટ 31 રૂપિયા પહોંચ્યો હતો. ત્યારે હવે 7 રૂપિયાનો ફરી વધારો આવતા નવો ભાવ 38 રૂપિયા થયો છે. વડોદરાના 2 લાખ લોકોના ઘરે ઘરગથ્થુ ગેસનો સપ્લાય કરવામાં આવે છે.