સહાય / વડોદરા સામૂહિક દુષ્કર્મ મામલે ડિસ્ટ્રિક્ટ કોર્ટે સગીરાને રૂા. 7 લાખની સહાયની જાહેરાત કરી

• પરિવાર રોકડા 2.50 લાખ ઉપાડી શકશે
• 4.50 લાખ બેન્કમાં ડિપોઝીટ થશે
• સગીરા 18 વર્ષની ઉંમર થાય ત્યારે મળી શકશે

વડોદરામા સગીરા પર સામુહિક દુષ્કર્મનો મામલે રાજ્ય સરકારે ભોગ બનેલી સગીરા માટે કોમ્પોસેસન કમિટી દ્વારા સહાય ચુકવવાની જાહેરાત કરી છે. સગીરાના પરિવારને 7 લાખની સહાય આપવામાં આવી છે. 

18 વર્ષે પીડિતાને મળશે

જેમાંથી પરિવાર રોકડા 2.50 લાખ ઉપાડી શકશે. બાકીના 4.50 લાખ બેન્કમાં ડિપોઝીટ થશે. સગીરા 18 વર્ષની ઉંમર થાય ત્યારે મળી શકશે. હાઈકોર્ટ અને રાજ્ય સરકાર દ્વારા કમિટી નિમાય છે. 7 સભ્યોની કમિટીમાં ડિસ્ટ્રિક્ટ જજ ચેરમેનનો સમાવેશ થાય છે. 

કોણ છે 7 સભ્યોની કમિટીમાં 

સાત સભ્યોની કમિટીમાં ડિસ્ટ્રિક્ટ જજ,  એ સી જોશી, પોલીસ કમિશનર, મેડીકલ સુપરિટેન્ડર, મુખ્ય સરકારી વકીલ, કલેકટર, આશુતોષ પાઠક જિલ્લા કાનૂન સેવા સત્તા મંડળ ના ફૂલ ટાઈમ સેક્રેટરીનો સમાવેશ કરવામાં આવ્યો છે.