વિશ્વની સૌથી ઊંચી પ્રતિમા સ્ટેચ્યુ ઓફ યુનિટી નિહાળવા દેશ-વિદેશ માંથી પ્રવાસીઓ રોજે રોજ ઉમટી પડતા હોય છે.એમાં પણ રજાના દિવસોમાં તો પ્રવાસીઓની સંખ્યામાં ઉતરો ઉત્તર વધારો નોંધાય છે. 1લી માર્ચ રવિવારના દિવસે વડોદરા ના નવાપુરા વિસ્તાર માં એસ .આર પી ગ્રીઉન્ડ ની પાછળ રહેતો પરમાર પરિવાર પોતાની કારમાં સ્ટેચ્યુ ઓફ યુનિટી નિહાળવા આવ્યો હતો. એ બાદ આખો પરિવાર ગાયબ થઈ જતા અન્ય પરિવારજનોએ કેવડિયા પોલીસ મથકમાં જાણવા જોગ ફરિયાદ નોંધાવી છે.
સ્ટેચ્યૂ ઓફ યુનિટી જોવા ગયો હતો વડોદરાનો પરિવાર
ગુમ પરિવારને શોધવા પોલીસે હાથ ધરી તપાસ
પરિવારની કાર કેવડિયા મૂર્તિ રોડ પરથી પરત દેખાઈ
વડોદરા ના નવાપુરા વિસ્તાર ના એસ. આર. પી.ગ્રઉન્ડ પાસે રહેતા કલ્પેશ પરમાર પોતાની પત્ની તૃપ્તિ પરમાર, માતા ઉષા પરમાર અને પોતાનો એક 9 વર્ષનો છોકરો અને 7 વર્ષની છોકરી સાથે પોતાની કાર GJ 06 KP 7204 માં કેવડિયા સ્ટેચ્યુ ઓફ યુનિટી નિહાળવા ગત તારીખ 29.02 2020 ના રોજ આવ્યા હતા.
ફેસબુક ઉપર ફોટા મૂક્યા પણ પાછા ન આવ્યા
બાદ તેઓ સાંજે પોતાના ફેસબુક ઉપર સ્ટેટચ્યું ઓફ યુનિટી ના ફોટા અપલોર્ડ કરી વડોદરા જવા પરત નીકળ્યા હતા. ઘણો સમય વીતી જવા છતાં તેઓ પોતાના ઘરે ન આવતા એમના અન્ય પરિવારજનો એમની શોધખોળ આદરી હતી. અને આ પરિવારના મળી આવતા આજે ગુમ થયા ના પરિવારજનો પેકી કિરીટભાઈ એ કેવડિયા આવી પહોંચ્યા હતા. અને એમના ગુમ થયાની જાણવા જોગ કેવડિયા પોલીસ મથકમાં ફરિયાદ નોંધાવી હતી.
પોલીસે આદરી તપાસ
આ ફરિયાદના પગલે નર્મદા પોલીસ સ્ટેચયુ ઓફ યુનિટી ના CCTV કેમરા ચેક કરવના ચક્રો ગતિમાન કર્યા છે. નર્મદા, વડોદરા, છોટાઉદેપુર પોલીસ તપાસ કરી રહી છે.