વડોદરામાં 'સ્વરા' લેબોરેટરીની લાલિયાવાડી આબાદ ઝડપાયા સ્વરાના લેબના સંચાલક જૈમીન શાહની ઉલટ તપાસમાં પોલીસને બીજી એક લેબની બાતમી મળી અને આ લેબ પણ લાયકાત કે રજિસ્ટ્રેશન વગર જ ચલાવાઈ રહી હોવાનું જાણવા મળતા ચકચાર મચી ગઈ હતી. 'મા'નામની લેબોરેટરી પણ રામભરોસો ચાલી રહી હતી. કોઈ પણ યોગ્ય ટેક્નીશીયન કે પરમીશન કે રજિસ્ટ્રેશન વગર અહીં ડોક્ટર કે એવા રિપોર્ટ કરી આપતા હોવાનું કૌભાંડ સામે આવ્યુ છે
કોમ્પ્યુટર અને રિપોર્ટ સહિતના દસ્તાવેજો કબ્જે કરાયા
પોલીસે સામાન કબ્જે કરી આગળની કાર્યવાહી હાથ ધરી
આરોપી જૈમીન શાહ સહિતના ચાર આરોપી પાદરા સબ જેલમાં
પોલીસ દરોડમાં ખુલી વિગતો
વડોદરાના વડુ ગામની સ્વરા પેથોલોજી લેબોરેટરીની વડોદરામાં અટલાદરા ખાતે આવેલી બીજી બ્રાંચ પણ રજિસ્ટ્રેશન વગર ચાલતી હોવાનું પોલીસ તપાસમાં બહાર આવ્યું છે. સ્વરા પેથોલોજી લેબના સંચાલક જૈમીન મહેશ શાહ સહિત ચારેયના રિમાન્ડ પુરા થતાં જેલમાં મોકલી દેવાયા છે. પોલીસે અટલાદરા વિસ્તારમાં આવેલી સ્વરા પેથોલોજી લેબમાં પણ દરોડો પાડી તપાસ કરતા આ લેબનું રજિસ્ટ્રેશન કરાવ્યું નહી હોવાની વિગતો પ્રકાશમાં આવી હતી જેના પગલે પોલીસે લેબમાંથી કોમ્પ્યુટર, પ્રિન્ટર, સીપીયું સહિત કબજે કર્યા છે. અટલાદરા વિસ્તારમાં છેલ્લા બે વર્ષથી લેબ ચાલતી હોવાનું પોલીસ તપાસમાં ખુલ્યું છે.
જૈમિન શાહની અટવાદરાની લેબમાં તપાસ
અટવાદરાની "માં" લેબોરેટરીમાં પણ પોલીસ તપાસ કરવામાં આવી હતી. કોમ્પ્યુટર,અને રિપોર્ટ સહીતના દસ્તાવેજો કબ્જે કરાયા છે. પોલીસે સામાન કબ્જે કરી આગળની કાર્યવાહી હાથ ધરી છે. આરોપી જૈમીન શાહ સહિતના ચાર આરોપી પાદરા સબ જેલમાં મોકલી આપવામાં આવ્યા છે.
ડોક્ટરોની પણ પૂછપરછ કરવામાં આવશે.
આ ગેરકાયદે લેબમાં પણ મોટી સંખ્યામાં લોકો આરોગ્યને લગતા રિપોર્ટ કઢાવતા હતાં. બાયોપ્સી સહિતના મોટા રિપોર્ટ માટે આ લેબ અન્ય ડોક્ટરને રિફર કરતા હતાં. આ ડોક્ટરની પણ પૂછપરછ કરવામાં આવશે તેમ જાણવા મળ્યું છે.