GCERT ઘોર નિંદ્રામાં! / વડોદરામાં પરીક્ષાના એક દિવસ પહેલા જ એકમ કસોટીના પેપર યૂટયૂબ ચેનલ નોલેજ ફંડા પર જાહેર

• વડોદરામાં એકમ કસોટીના પેપર ફરી થયા લીક
• યુટ્યૂબ ચેનલ નોલેજ ફંડા પર જાહેર કરાયા પરીક્ષાના પેપર
• પરીક્ષાના એક દિવસ પહેલા કર્યા અપલોડ 

વડોદરા ખાતે આજથી શરુ થઇ રહેલી એકમ કસોટી-6ના પેપર લીક થયા છે. આમ અગાઉ પણ એકમ કસોટીના પેપર લીક થયા હતા. પરીક્ષાના એક દિવસ પહેલા જ પેપરો અપલોડ કરવામાં આવ્યાં. 

વડોદરામાં એકમ કસોટીના પેપર ફરી એક વખત લીક થયા હોવાનું સામે આવ્યું છે. જેમાં નોલેજફંડા નામની યૂટ્યૂબે પરીક્ષાના પેપર જાહેર કર્યા છે. પરીક્ષાના એક દિવસ પહેલા જ પેપર અપલોડ કરાયા છે.

ઉલ્લેખનીય છે કે આ અગાઉ પણ આ યુટ્યૂબરે પરીક્ષાના પેપર અપલોડ કર્યા હતા, ત્યારે હવે ફરી એક વખત આ યૂટ્યૂબ ચેનલ પર પેપર અપલોડ થયા છે. આ અગાઉ સોલ્યુશન સાથેના પેપરો યુટયુબ પર મુકાતા વિવાદ થયો હતો.

આજથી શરૂ થતી એકમ કસોટી-6ના પેપર લીક કરવામાં આવ્યા છે. GCERTએ ઘટનાને લઇ પરિપત્ર  કર્યો હતો.ે ત્યારે હવે કોઈ પણ પ્રકારના ડર વગર ચેનલના માલિકે પેપર અપલોડ કર્યા છે.