VIDEO / વડોદરામાં દારુના નશામાં યુવકે ફૂલ સ્પીડમાં પોલીસની ગાડી સાથે અથડાવી કાર, સર્જ્યું જીવનું જોખમ

• વડોદરામાં મધરાતે યુવાને પોલીસની ગાડીઓને મારી ટક્કર
• દારૂના નશામાં કાર ચલાવી રહ્યો હતો શખ્સ
• મોડી રાતે બનેલી સમગ્ર ઘટનાના CCTV ફુટેજ આવ્યા સામે

વડોદરા જિલ્લામાં અકસ્માતના કિસ્સામાં નોંધપાત્ર ઉછાળો આવી રહ્યો છે. તેવામાં વડોદરામાં મધરાતે બ્રિજેશ પરમાર નામના કારચાલકે પોલીસની ગાડીને જોરદાર ટક્કર મારતા અકસ્માત સર્જાયો હોવાનો કિસ્સો સામે આવ્યો છે. જેને પગલે પોલીસે પૂછતાછ કરતાં આરોપી દારૂના નશામાં કાર ચલાવી રહ્યો હોવાનું સામે આવ્યું હતું. આરોપી બ્રિજેશ પરમાર એટલો દારૂના નશામાં હતો કે તેને રોડ પર ઉભેલી પોલીસની કાર પણ નજરે ન પડી હતી અને બ્રિજેશ પરમારે પોલીસની વાનને અડફેટે લીધી હતી. બેફામ દારૂ ઢીંચી બ્રિજેશ પરમાર નામનો યુવાન કાલાઘોડાથી પોતાના ઘરે પરત ફરી રહ્યું હતો આ વેળાએ અકસ્માત સર્જાયો હોવાનું સામે આવ્યું છે. 

વડોદરામાં મધરાતે બ્રિજેશ પરમાર નામના કારચાલકે પોલીસની ગાડીને જોરદાર ટક્કર મારતા અકસ્માત સર્જાયો હોવાનો કિસ્સો સામે આવ્યો છે. આ ઘટનાના સીસીટીવી સામે આવ્યા છે.#Vadodara #Police #Accident #cctvfootage pic.twitter.com/OHRvreyqGE

— VTV Gujarati News and Beyond (@VtvGujarati) July 9, 2022

રોડ પર ઉભેલી પોલીસ કારને શખ્સે લીધી અડફેટે
શહેરના રેલવે સ્ટેશન નજીક સયાજીગંજ પોલીસ સ્ટેશનની શી-ટીમની ગાડીઓ પોલીસ સ્ટેશનની સામે જ ઉભી હતી આ દરમિયાન બ્રિજેશ પરમારે ફૂલ સ્પીડમાં ટક્કર મારી હતી. જેને લઇને સયાજીગંજ પોલીસે કાર ચાલક બ્રિજેશ પરમારની અટકાયત કરી લીધી હતી. મોડી રાતે બનેલી અકસ્માતની આ સમગ્ર ઘટનાના CCTV ફૂટેજ આવ્યા સામે આવ્યા છે. જુઓ સીસીટીવી...