વડોદરા / દિવાળી પહેલા પાણીને લઇ કમઠાણ, અધિકારીઓ પ્રશ્ન ન ઉકેલાય ત્યાં સુધી રોકાશે

• વડોદરામાં દિવાળી પહેલા પાણીની સમસ્યા ઉકેલવા પ્રયાસ
• પ્રશ્ન ન ઉકેલાય ત્યાં સુધી અધિકારીઓ વડોદરામાં રોકાશે
• પૂર્વ વિસ્તારની 300 સોસાયટીઓને પાણીની સમસ્યા

પ્રશ્ન ન ઉકેલાય ત્યાં સુધી અધિકારીઓ વડોદરામાં

દિવાળી પહેલા પ્રજાની પાણીની સમસ્યા ઉકેલવા સરકારે પ્રયાસ શરૂ કરી દીધા છે. જેને લઇને સરકારે નિમેટ પ્લાન્ટમાં થયેલી ગડબડીને શોધવા માટે 5 અધિકારીઓને મોકલ્યાં છે અને જ્યાં સુધી પ્રશ્ન ન ઉકેલાય ત્યાં સુધી અધિકારીઓ વડોદરામાં રોકાશે. 

મંત્રી યોગેશ પટેલે સીએમને પાણીને લઇને કરી હતી ફરિયાદ

વડોદરા શહેરમાં દિવાળીના સમયે પાણીની વિકટ સમસ્યા ઉભી થતાં મંત્રી યોગેશ પટેલે આ અંગે મુખ્યમંત્રી વિજય રૂપાણીને ફરિયાદ કરી હતી. જેમાં શહેરના પૂર્વ વિસ્તારમાં 300 જેટલી સોસાયટીમાં પાણીની સમસ્યા હોવાનું જણાવાયું હતું. 

નિમેટા પ્લાન્ટમાં ખામીને શોધીને દૂર કરવા તપાસ

રાજ્ય સરકાર દ્વારા મોકલવામાં આવેલા 5 અધિકારીઓ દ્વારા નિમેટા પ્લાન્ટમાં ઉભી થયેલી ખામીને શોધી અને દૂર કરવા તપાસ કરવામાં આવશે. શહેરના પૂર્વ વિસ્તારની 300 જેટલી સોસાયટીમાં પાણી ઓછા પ્રેસરથી મળી રહ્યું છે. 

અગાઉ કોન્ટ્રાકટરને બ્લેક લિસ્ટ કરાયો હતો

અધિકારીઓ દ્વારા નિમેટા પ્લાન્ટમાં આવેલી ખામીને શોધી અને દૂર કરવામાં આવશે. જો કે આ અગાઉ ગંદા પાણીને લઇને કોન્ટ્રાકટરને બ્લેકલિસ્ટ કરી દેવાયો હતો. 2009થી પૂજા કન્સ્ટ્રકશન પાસે મેઇન્ટેનન્સનો કોન્ટ્રાકટ હતો. જો કે કોન્ટ્રાકટરને બ્લેકલિસ્ટ કરાયા બાદ નિમેટા પ્લાન્ટમાં ગડબડી સર્જાઇ રહી હોવાનું સામે આવ્યું છે.