અદભૂત કળા / STના આ અધિકારી પાસે ફિલ્મી 'રજનીકાંત' જેવી કળા, જોઈને માથું ચકરાઈ જશે

• એક વ્યક્તિ લખી શકે છે પાંચ ભાષા
• બોલાવની ઝડપે લખી શકે છે
• આ વ્યક્તિ ઝડપથી મિરર રાઇટિંગ કરી શકે છે

મહેસાણા નજીક એક કાર્યક્રમ માં હાજરી આપવા આવેલા જય સિંઘવએ પોતાની મિરર રાઇટિંગની કળાનું પ્રદર્શન કર્યુ. તેમણે વિવિધ ભાષામાં મિરર રાઇટિંગ કરીને લોકોને મોમાં આંગળા નાખતા કરી દીધા. સામાન્ય માણસ કોઈ પણ ભાષા જેટલું ઝડપથી લખી શકે છે એટલી ઝડપથી જાય સિંઘવે ગુજરાતી, હિન્દી, સંસ્કૃત, મરાઠી અને અંગ્રેજીમાં ઊંધા અક્ષરે લખીને સૌને આશ્વર્યચકિત કરી દીધા.

ક્યાંથી આવ્યો આ વિચાર?

ગુજરાતી, અંગ્રેજી, મરાઠી, સંસ્કૃત અને હિન્દી ભાષામાં ઊંધું લખવાની કળામાં ઇન્ડિયા બૂકમાં સ્થાન મેળવનાર જય સિંધવને આવો વિચાર ક્યાથી આવ્યો તેના વિશે તેમણે જણાવ્યું હતું કે, હું 20 વર્ષથી આમ લખવા માટે પ્રયત્ન કરી રહ્યો હતો. ગુજરાતી, હિન્દી, સંસ્કૃત, મરાઠી અને અંગ્રેજીમાં ઊંધા અક્ષરે લખી શકું છું. હજુ દેવનાગરી લીપીના પ્રયત્નો ચાલું છે. આ કળાને લઇને મને વર્લ્ડ રેકોર્ડમાં સ્થાન મળ્યું છે. 1998માં ગુજરાત વિદ્યાપીઠમાં અભ્યાસ કરી રહ્યો હતો ત્યારે હું મિત્ર સાથે બાઇક પર જતો હતો અને ત્યારે બાઇકના કાચમાં દેખાયું એમ્બ્યુલન્સ આવતી હતી અને એમ્બ્યુલન્સ લખેલું સીધું દેખાયું. ત્યાંથી મને આ વાત ક્લિક થઇ કે આ બાબતમાં પ્રયત્ન કરવાથી આપણે ઊંધુ લખી શકીશું. ત્યારબાદથી મે આ પ્રયત્નો શરૂ કર્યા હતા.

ઇન્ડિયા બૂક ઓફ રેકોર્ડ બાદ ગિનીસ બૂકમાં સ્થાન મેળવવાની ખેવના ધરાવતા જય સિંધવ પોતાની કળામાં નવી નવી ભાષાનો ઉમેરો કરીને વધુ ઓજસ પથરાવવા માગે છે.