તંત્રના અધિકારીઓ PPE કિટ પહેરીને દર્દીઓને ગણતાં હોસ્પિટલનું કૌભાંડ પકડાયું હતું.
કોરોના મહામારીમાં હોસ્પિટલ દ્વારા લૂંટ
ખોટા દર્દીઓ દેખાડી લૂંટનું કૌભાંડ
ધીરજ હોસ્પિટલે ભૂતિયા દર્દીઓ દર્શાવ્યા
ધીરજ હોસ્પિટલના સંચાલકોએ ભૂતિયા દર્દીઓ દર્શાવ્યા
ગુજરાત સહિત આખા દેશમાં કોરોના વાયરસની બીજી લહેર ચાલી રહી છે અને આ બીજી લહેરમાં લાખો લોકો મહામારીની ઝપેટમાં આવ્યા છે. ભારતમાં અપાર અવ્યવસ્થાના કારણે કોરોના દર્દીઓ તથા પરિજનોએ ભયંકર અફરાતફરીનો સામનો કર્યો છે ત્યારે આવી મહામારીમાં પણ મેડિકલ વિભાગના માફિયાઓ રૂપિયા માટે મહાલૂંટ ચલાવતા પકડાયા છે. નકલી દવાઓ, ઈન્જેક્શન તથા પ્રાઇવેટ હોસ્પિટલોમાં લાખો કરોડના બિલ. આ બધાની વચ્ચે હવે ગુજરાતની એક હોસ્પિટલમાં તો ભૂતિયા દર્દીઓ જ ઊભા કરી દેવામાં આવ્યા/
230 દર્દી દાખલ હતા જેની સામે 469 દર્દી દાખલ દર્શાવ્યા
વડોદરાના ધીરજ હોસ્પિટલ મહામારીનો લાભ લેવા માટે મહાલૂંટમાં મસ્ત થઈ ગઈ. હોસ્પિટલની અંદર તો માત્ર 230 દર્દીઓ જ દાખલ હતા પરંતુ ગણાવ્યા 469. આમ ડબલથી વધારે દર્દીઓ બતાવીને હોસ્પિટલે બે કરોડ રૂપિયાનું કૌભાંડ આદર્યું. નોંધનીય છે કે આ હોસ્પિટલ દ્વારા સુમનદિપ વિદ્યાપીઠ દ્વારા સંચાલિત કરવામાં આવી રહી હતી.
સરકારે ધીરજ હોસ્પિટલની કોવિડ માન્યતા અને કરાર રદ કર્યા
ભૂતિયા દર્દીઓ બતાવીને કરોડો રૂપિયા લૂંટતી હોસ્પિટલની પોલ ત્યારે ખૂલી જ્યારે અધિકારીઓ PPE કિટ પહેરીને હોસ્પિટલ પહોંચી ગયા અને ત્યાં દર્દીની ગણતરી કરી. હોસ્પિટલનું આ કૃત્ય પકડાઈ જતાં સરકારએ હોસ્પિટલની માન્યતા રદ્દ કરી છે તથા કરાર પણ રદ્દ કર્યા છે.