ફસેગા નહિ / વડોદરાના સાયબર સેલે સામાજિક સંદેશ માટે 'પુષ્પા' નો લીધો સહારો, પોસ્ટર સોશિયલ મીડિયામાં ખૂબનું વાયરલ

• વડોદરા સાયબર સેલનો નવતર પ્રયોગ 
• ફિલ્મ પુષ્પાના આધારે કર્યો નવતર પ્રયોગ 
• શું છે આ સમાજીક સંદેશ ? કેવો રિસ્પોન્સ ?  

સામાન્ય રીતે ગુજરાત પોલીસ કોઈ ફિલ્મ કે ફિલ્મી ગીતોના આધારે સામાજિક સુરક્ષા કે ચેતવણી રૂપ સંદેશા નથી આપતી. તેનાથી પોલીસની ગરિમા ઝંખવાઈ જવાનો ભય રહેતો હોય છે. આ વચ્ચે અપવાદરૂપ કિસ્સાઓમાં પોલીસ વિભાગ ફિલ્મો કે તેને સંલગ્ન સંવાદનો સહારો લેતી હોય છે. અગાઉ મુંબઈ પોલીસે સરફરોશ  કે પછી સિંહમ જેવી ફિલ્મનાં શો પોલીસ વિભાગ માટે ખાસ રાખીને વિભાગનો નૈતિક જુસ્સો ઉંચો રાખવા પ્રયાસ કર્યો હતો. પણ વડોદરા પોલીસે એક નવતર પ્રયોગ હાથ ધર્યો છે. હાલની જ સુપર-ડુપર હિટ ફિલ્મ પુષ્પાને આધાર બનાવી  સાયબર સેલનો નવતર પ્રયોગ આણ્યો છે. ફિલ્મ પુષ્પાના ડાયલોગને લઇને આપ્યો મહત્વનો સંદેશ. જેમાં કહેવાયું છે કે, "કોઇ આકર્ષક સ્કીમ કે ફ્રેન્ડ રીકવેસ્ટમાં ફસાઇશ નહીં"