વડોદરાઃ માંજલપુર GIDCમાં પાણીની લાઈનમાં ભંગાણ થતાં વેડફાયું લાખો લીટર પાણી

વડોદરાઃ શહેરનાં માંજલપુર વિસ્તારમાં GIDCમાં પાણીની મુખ્ય લાઈનમાં ભંગાણ થયું હોવાંની ઘટના સામે આવી છે. પાણીની મુખ્ય લાઈનમાં ભંગાણ થતાં લાખો લીટર જેટલાં પાણીનો બગાડ થયો છે. GIDCની પાસે આવેલી 4 કંપનીમાં પાણી ઘૂસ્યું. તેમજ માંજલપુરનાં રસ્તા પર તો ઘૂંટણસમા પાણી ભરાયાં.

મહત્વનું છે કે પાણીની તંગી હોવાનાં કારણે શહેરીજનોને પીવાનું પાણી 2 ટાઈમ નથી મળતું. જેનાં કારણે સ્થાનિકો પરેશાન થયાં છે. ત્યારે હવે પાણીનો બગાડ થતાં ત્યાનાં સ્થાનિકોમાં ઉગ્ર રોષ જોવાં મળી રહ્યો છે.

ઉલ્લેખનીય છે કે આ અગાઉ પણ વડોદરા શહેરનાં માંજલપર વિસ્તારમાં સાઇ ચોકડી નજીક પાણીની પાઇપલાઇનમાં ભંગાણ થતાં સ્થાનિકોએ ઉગ્ર રોષ વ્યક્ત કર્યો હતો. તેવાં સમયે સ્થાનિકોનું કહેવું એમ હતું કે કોર્પોરેશનની બેદરકારીનાં કારણે આ પીવાનાં પાણીનાં પાઇપલાઇનમાં ભંગાણ થાય છે.