દુર્ઘટના / વડોદરાના બિલ્ડર પરિવારને મધ્યપ્રદેશમાં અકસ્માત નડતા 4ના મોત, જાણો મૃતકોના નામ

• મધ્યપ્રદેશમાં બિલ્ડર પરિવારને નડ્યો અકસ્માત
• અકસ્માતમા બિલ્ડર સહિત ચાર લોકોનાં મોત
• વડોદરાથી ઉજ્જૈન જતા સમયે થયો અકસ્માત

અકસ્માત મધ્યપ્રદેશના ધાર પાસે બન્યો હતો. તમામ મૃતક એક જ પરિવારનાં અને વડોદરાના રહીશ. જેમાં બિલ્ડર પ્રવીણ પટેલ અને તેમની પત્ની અમિષાબેનનું મોત નિપજ્યું છે. જ્યારે પ્રવીણભાઈના ભાભી અને સાળીનું પણ મોત નિપજ્યું છે.

રેતી ભરેલી ટ્રક સાથે બિલ્ડરની કાર અથડાતા અકસ્માત સર્જાયો હતો. આ કાર એટલી ધડાકાભેર અથડાઇ હતી કે કારનો કચ્ચરઘાણ વળી ગયો હતો. અકસ્માત સર્જાતા તાત્કાલિક પોલીસે ઘટના સ્થળે પહોંચી તપાસ હાથ ધરી હતી.