ભાજપના કાર્યકર પ્રવિણ સોલંકીએ આક્ષેપ કર્યો છે કે, આશોજ બેઠકની ટિકિટ રૂપિયા 11 લાખમાં વેચવામાં આવી છે.
વડોદરામાં ભાજપ કાર્યકરનો ગંભીર આક્ષેપ
ભાજપ કાર્યકર્તા પ્રવીણ સોલંકીએ કર્યો આક્ષેપ
આશોજ બેઠકની ટિકિટ રૂ.11 લાખમાં વેચવાનો આક્ષેપ
વડોદરા જિલ્લાની એક સાથે બે બેઠક પર વિવાદ સર્જાયો છે. જેમાં દશરથ-1 અને દશરથ-2 બેઠક પર વિવાદ સર્જાયો છે. જેમાં કાર્યકરોનો આક્ષેપ છે કે, ઉપરથી મેન્ડેટ આવ્યું હોવા છતાં સ્થાનિક લેવલે અધ્યક્ષ દ્વારા ટિકિટ કાપવામાં આવી છે. તો કેટલાક નારાજ કાર્યકરોએ હવે ભાજપને ચીમકી પણ આપી દીધી છે કે, તેઓ દશરથ બેઠક પરથી ચૂંટણી જીતી બતાવે.
કાર્યકરોએ ચીમકી સાથે કહ્યું કે, અમે ખૂદ જે ઉમેદવારોને ટિકિટ આપી તેમને હરાવીશું. ભાજપના કાર્યાલય પર હોબાળો થતા જિલ્લા અધ્યક્ષ અશ્વિન પટેલ પોતાની ઓફિસમાં બેસી ગયા હતા. અને મીડિયા સાથે પણ વાતચીત કરવાનું ટાળ્યું હતું. તો સાથે નારાજ કાર્યકરો સાથે પણ વાતચીત કરવાનું ટાળ્યું હતું.
આ સાથે ભાજપના કાર્યકરે ટિકિટના વેચાણ અંગે ગંભીર આક્ષેપ કર્યો છે. ભાજપના કાર્યકર પ્રવિણ સોલંકીએ આક્ષેપ કર્યો છે કે, આશોજ બેઠકની ટિકિટ રૂપિયા 11 લાખમાં વેચવામાં આવી છે. જિલ્લા ભાજપ મહામંત્રી કલ્પેશ પટેલ પર આ મુદ્દે આક્ષેપ કરવામાં આવ્યા છે. બક્ષીપંચ મોરચાના મહામંત્રી રસિક પ્રજાપતિ પર આક્ષેપ કરવામાં આવ્યા છે. તાલુકા ભાજપ મહામંત્રી સરદારભાઈ પર પણ આક્ષેપો થયા છે.