વડોદરા ભાજપના મહિલા કોર્પોરેટરે લારીધારક સામે શાસકપક્ષમાં હોવાનો ઉઠાવ્યો ફાયદો, 70 સમોસા ખરીદીને રુ.100 જ આપ્યા
ભાજપના મહિલા કોર્પોરેટર ફરી વિવાદમાં
લારીધારકે છાયાબેન ખરાદી પર કર્યા આક્ષેપો
નાસ્તો લઇ ગયા બાદ પૈસા ન આપ્યાનો આક્ષેપ
વડોદરાના ભાજપના મહિલા કોર્પોરેટર છાયાબેન એકવાર ફરી વિવાદમાં આવ્યા છે. લારીધારકે તેઓ પર આક્ષેપ લગાવ્યા છે કે છાયાબેન ખરાદીએ તેમની લારી પરથી નાસ્તો લઇ ગયા બાદ પૈસા આપ્યા નથી. જેને લઇને વિવાદ શરુ થયો છે. શાસક પક્ષમાં રહીને આવી મનમાની કરતા છાયાબેન વિવાદમાં આવ્યા છે.
લારીધારકનો શું છે આક્ષેપ
વડોદરા ભાજપના મહિલા કોર્પોરેટર છાયાબેન ખરાદીએ લારી પરથી કાર્યક્રમ માટે નાસ્તો લઇ ગયા પરંતુ તેના પૈસા આપ્યા ન હોવાનો લારીઘારકે આક્ષેપ કર્યો છે. લારી ધારકનું કહેવુ છે કે કાર્યક્રમ માટે 70 સમોસા ખરીદ્યા હતા. તેના પૈસા આપ્યા નહી પણ જ્યારે હું તેમના ઘરે પૈસા લેવા ગયો તો માત્ર 100 રુપિયા જ આપ્યા. મે મારા પુરા રુપિયા માગ્યા તો મને લારી ઉઠાવડાવી લેવાની ધમકી હોવાનો આક્ષેપ કર્યો છે.
'લારી ઉભી રાખવી હોય તો હપ્તો આપો'
મહિલા કોર્પોરેટર છાયાબેન ખરાદીએ હપ્તો માગ્યાનો પણ આક્ષેપ કર્યો છે. લારી ઉભી રાખવી હોય તો 1000 રુપિયાનો હપ્તો માગ્યાનો આરોપ લગાવ્યો છે. સાથે ધમકી પણ આપી કે જો હપ્તો નહી આપે તો ધંધો બંધ કરાવી દઇશ તેમ લારીધારકે આક્ષેપ કર્યો હતો.
આક્ષેપો તદ્દન ખોટા- છાયાબેન ખરાદી
જ્યારે વીટીવીએ આ અંગે છાયાબેનનો સંપર્ક કર્યો તો તેઓએ તમામ આક્ષેપોને ખોટા ગણાવ્યા. તેઓએ કહ્યું કે હું આગલે દિવસે 1200 રુપિયા આપી આવીહતી. તે સવારે મને ઘરે આપવા આવ્યો હતો તો 100 રુપિયા પેટ્રોલના પણ મે આપ્યા છે. મે એને એમ પણ કહ્યુ હતુ કે વઘઘટના રુપિયા થાય એ જોઇ લઇશું.
સળગતા સવાલ
સત્તાધારી પક્ષના કોર્પોરેટર છો એટલે દાદાગીરી કરશો?
ગરીબ લારીધારકને રૂપિયા શા માટે ન આપ્યા?
રૂપિયા માંગે તો લારી ઉઠાવી લેવાની ધમકી કેમ આપો છો?
શું લારી ઉભી રાખવા માટે હવે તમને હપ્તા આપવા પડશે?
લારી ઉભી રાખવા માટે હપ્તા કેમ માગી રહ્યાં છો?
લારીધારક હપ્તો ન આપે તો ધંધો બંધ કરાવી દેવાની ધમકી કેમ આપો છો?