ભાજપમાં ચાલી રહેલો આંતરિક વિગ્રહ શાંત લેવાનું નામ લઇ રહ્યો નથી. અગાઉ ભાજપના ધારાસભ્યોની નારાજગી સામે આવ્યાં બાદ આજરોજ વધુ એક MLA નારાજ હોવાની અટકળો સામે આવી છે. ભાજપના ધારાસભ્ય શૈલેષ મહેતા નારાજ હોવાનું સામે આવ્યું છે.
ભાજપ MLA શૈલેષ મહેતા નારાજ હોવાની અટકળો
વિસ્તારમાં વિકાસ કાર્યોની મંદગતિને લઇ નારાજ હોવાની ચર્ચા
ટીપી મંજુર ન થતા શહેરનો વિકાસ રુધાઈ રહ્યો છે
ભાજપના વધુ એક ધારાસભ્ય શૈલેષ મહેતા પોતાના વિસ્તારમાં વિકાસ કાર્યોની મંદગતિને લઇને નારાજ હોવાની ચર્ચા સામે આવી છે.
જો કે નારાજગીની અટકળો વચ્ચે શૈલેષ મહેતાએ VTV સમક્ષ વાત કરી હતી. જો કે શૈલેષ મહેતાએ કહ્યું કે નારાજગી નહી સભામાં કામો માટે રજૂઆતો કરી છે. ભાજપના ધારાસભ્યએ મ્યુનિસિપલ કમિશ્નરને રજૂઆત કરી હતી.
ડભોઇના ધારાસભ્ય શૈલેષ મહેતાએ પોતાના વિસ્તારના કામો યોગ્ય રીતે ન થતા હોવાની ફરીયાદ કરી હતી. જેમાં પાણી, રોડ-રસ્તા અને ટીપીના કામોને લઇને સવાલ ઉઠાવ્યાં હતા. વડોદરાની એક પણ ટીપી મંજૂર ન થવા સામે પણ સવાલ કર્યા હતા. શૈલેષ મહેતાએ કહ્યું કે ટીપી મંજૂર ન થતાં શહેરનો વિકાસ રંધાઇ રહ્યો છે. ત્યારે હવે સરકાર દ્વારા તેમની નારાજગી કેવી રીતે દૂર કરાશે તે આગામી દિવસોમાં જોવાનું રહેશે