VIDEO / ભાજપના કોર્પોરેટરને ગંભીરતા તો નથી પરંતુ શરમ પણ નથી, લૉકડાઉનમાં અર્ધનગ્ન થઈને કર્યો હોબાળો

• ભાજપના કોર્પોરેટરની બબાલ
• હોમ ક્વોરોન્ટાઈનનો કર્યો ભંગ
• અધિકારીઓ સામે અર્ધનગ્ન થયા

પ્રાપ્ત થતાં અહેવાલ અનુસાર, વડોદરા મહાનગર પાલિકાના વોર્ડ-4માં સેનેટાઈઝનું કામ યોગ્ય રીત ન કરવામાં આવતું હોવાની રાવ લઇને ભાજપના કોર્પોરેટર પાલિકાની વોર્ડ-4ની કચેરી પહોંચ્યા હતા. 

અધિકારીઓ,કર્મચારીઓની સામે અર્ધનગ્ન થયાં ભાજપના કોર્પોરેટર

જો કે, તેમણે કચેરી પર જઇને બબાલ પણ કરી હતી. નોંધનીય છે કે, ભાજપના કોર્પોરેટર કલ્પેશ પટેલ હોમ કવોરનટાઈન હોવા છતાં ઘરની બહાર નિકળ્યા અને પાલીકા કચેરી પર જઇને ધમાલ મચાવી હતી.અહીંથી પણ તેઓ નહીં અટકતા અધિકારીઓ,કર્મચારીઓની સામે અર્ધનગ્ન થયાં હતા. 

આ પહેલા પણ બની છે આવી ઘટના 

ઉલ્લેખનીય છે કે, દેશના પ્રધાનમંત્રી કોરોના વાયરસને લઇને નાગરિકોને સતત ઘરમાં રહેવાની અપીલ કરી રહ્યા છે ત્યારે ભાજપના જ નેતાઓ દ્વારા કોઇપણ પ્રકારની ગંભીરતા કે શરમ વગર આ પ્રકારની હરકતો કરી રહ્યા છે. આ પહેલા પણ સુરતના ડે.મેયર જૈન મહારાજની સભામાં પહોંચ્યા હતા. તો ભાજપના જ સાંસદ રમેશ ધડૂક પણ હોસ્પિટલની મુલાકાતે આખું ટોળું લઇને પહોંચ્યા હતા.