વડોદરાનો સ્માર્ટ સીટીમાં સમાવેશ થયા બાદ શહેરને સ્માર્ટ બનાવવા માટે અને પ્રદુષણ મુક્ત બનાવવા માટે બાઇસિકલ પ્રોજેકટ લવાયો છે જેમાં સ્માર્ટ સીટી પ્રોજેક્ટ અંતર્ગત બાઉન્સ વડોદરા બાઇસિકલ નામની સંસ્થાને પ્રોજેક્ટનો કોન્ટ્રાકટ અપાયો છે. આજથી સાયકલ સુવિધા શરૂ કરવામાં આવી છે.
સ્માર્ટ સીટી વડોદરાને પ્રદૂષણ મુક્ત અને ટ્રાફિક મુક્ત બાઈસીકલ પ્રોજેક્ટ અમલી બનાવવામાં આવ્યો છે. જેમાં પ્રથમ તબક્કે 50 સાયકલો લાવવામાં આવી છે જે 10 હજારની કિંમતની એક સાયકલ પ્રતિ દિન 10 રૂપિયાનાં ભાડે શહેરીજન લઈ શકશે અને માસિક 300 રૂપિયા ભરી સાયકલ ઘરે લઈ જવાઇ તેવી પણ વ્યવસ્થા કરાઈ છે, જેમાં રિફન્ડેબલ 600 રૂપિયાનો ચાર્જ અને આઈકાર્ડ અને ફોટો લીધા બાદ સાયકલ આપવામાં આવી રહી છે.
નાગપુર, બેંગ્લોર બાદ વડોદરામાં સાયકલ સુવિધા લોન્ચ કરાઈ છે. આજથી શરૂ થયેલા અભિયાનમાં મોટી સંખ્યામાં શહેરીજનો સાયકલ લેવા માટે પહોંચ્યાં હતાં. આગામી દિવસોમાં ચાઇના માફક વડોદરા એટલે કે સમગ્ર ભારતમાં સાયકલો રસ્તા પર ફરતી દેખાશે તેવું હાલમાં લાગી રહ્યું છે. આજે પ્રથમ દિવસે જ મોટી સંખ્યામાં લોકો સાયકલની વિગતો લેવા માટે આવ્યાં હતાં અને આ યોજનાને લોકો આવકારી રહ્યાં છે.
વડોદરામાં હાલનાં તબક્કે આ પ્રોજેક્ટ શરૂ કરવામાં આવ્યો છે અને કમાટી બાગ ખાતેથી તેની શરૂઆત કરવામાં આવી છે. જેમ-જેમ લોકોનો પ્રતિસાદ મળતો જશે તેમ વડોદરામાં એકથી વધુ સ્ટેશનો શરૂ કરવામાં આવશે. જેથી લોકો પોતાની અનુકૂળતા પ્રમાણે સાયકલ મૂકી પણ શકશે તેવી વ્યવસ્થા કરવામાં આવશે. આ યોજનાથી પેટ્રોલ ડીઝલની બચત પણ થશે અને સાથે સાથે પર્યાવરણનું જતન પણ થશે તેમજ લોકોનાં સ્વાસ્થ્ય પણ સુધરશે તેવું લાગી રહ્યું છે.