વડોદરામાં ભૂમાફિયા તરીકે જાણીતો બનેલો યુસુફ કડિયા અનેક ગુનામાં સંડોવાયેલો છે. તાજેતરમાં જેપી રોડ વિસ્તારમાં રહેતા અશ્વિન પટેલની 11 વીઘા જમીનમાં પાછલી તારીખોનું બાનાખત કરીને આ જમીન પચાવી પાડવાની પેરવીમાં હતો.
ત્યારે આશ્વીનભાઈની ફરિયાદના આધારે પોલીસે તપાસ શરૂ કરી હતી અને આ કેસના મુખ્ય આરોપી યુસુફ કડિયા અને તેના બે સાગરીતોની પોલીસે ધરપકડ કરી છે. આ યુસુફ કડિયા એવી તરકીબથી કામ કરતો હતો કે જે જમીનની ટાઇટલ ક્લિયર માટે પેપરોમાં નોટિસ આવે તેને આધાર બાનવીને તેમાં હકદાર હોવાનું કહીને વિવાદ ઉભો કરતો હતો અને ત્યારબાદ મોટી રકમ લઈને સમાધાન કરી લેતો હતો.
અનેક લોકો પાસેથી આવી રીતે નાણાં પડાવ્યા હોવાનું બહાર આવ્યું છે. 13 જેટલા ગુના યુસુફ કડિયાના નામે નોંધાયા છે. નાગરવાડા વિસ્તારમાં યુસુફ કડિયાનો લોકોમાં એટલો તો ખોફ હતો તે દૂર થાય તે માટે પોલીસે તેનું જાહેરમાં સરઘસ કાઠ્યું હતું.
તેના ઘરમાંથી બનાવટી દસ્તાવેજો નોટિસો અને ખોટા સ્ટેમ્પ પેપર પણ મળી આવ્યા છે. ભોગ બનનારની શામય સુચકતાને લીધે આ ગુનો બનતો અટકી ગયો છે. હાલ તો પાલીસે યુસુફ કડિયાની સાથે સાક્ષીમાં સહીએ કરનાર વિલાસરાવ દેશપાંડે અને ઈલિયાસ કાસમ શેખની ધરપકડ કરી છે. પોલીસે તેના વિરુદ્ધના તમામ ગુનાની તપાસ શરૂ કરી છે.