કોરોનાના વધતા કેસ વચ્ચે વડોદરામાં મેડિકલ કોલેજમાં 1500 વધુ બેડ ઉભા કરાશે. વડોદરામાં હજુ 280 વેન્ટિલેટર ખાલી છે.
કોરોનાને લઇ બોલ્યાં વિનોદ રાવ
'દર્દીઓ એજ હોસ્પિટલમાં જવા આગ્રહ ન રાખે'
'તંત્ર કોઈપણ પરિસ્થિતિને પહોંચી વળવા સક્ષમ'
વડોદરામાં કોરોનાના કેસોમાં સતત વધારો થઇ રહ્યો છે. અને કોરોનાના વધતા કેસોને લઇ વિનોદ રાવે કહ્યું કે, વડોદરામાં મેડિકલ કોલેજમાં 1500 વધુ બેડ ઉભા કરાશે. વડોદરામાં હજુ 280 વેન્ટિલેટર ખાલી છે. શહેરમાં 4225 કોરોના દર્દીઓ સારવાર લઈ રહ્યાં છે. 7200 પૈકી 3000 બેડ હજુ શહેરની હોસ્પિટલોમાં ખાલી છે. વડોદરામાં કુલ 150 કોવિડ કેર હોસ્પિટલ છે. જે 150 પૈકી 20 ખાનગી હોસ્પિટલો જ હાઉસફુલ છે. સાથે જ તેમને કહ્યું કે દર્દીઓ એ જ હોસ્પિટલમાં જવા આગ્રહ ન રાખે. વડોદરા તંત્ર કોઈપણ પરિસ્થિતિને પહોંચી વળવા સક્ષમ છે.
વડોદરાની કંપનીએ વિશ્વકક્ષાનું વેન્ટિલેટર બનાવ્યું છે. મેક્સ વેન્ટિલેટર કંપનીએ વિશ્વકક્ષાનું વેન્ટિલેટર બનાવ્યું. આ ઓક્સિવિન વેન્ટિલેટર HFOT ડિવાઈસ તરીકે ઓળખાય છે. ત્યારે મેક્સ આધુનિક વેન્ટિલેટર બનાવતી વિશ્વની ચોથી કંપની બની છે. મેક્સ એ મેક ઇન ઇન્ડિયા અંતર્ગત વેન્ટિલેટર બનાવ્યું છે. જેને વડોદરા શહેરના OSD વિનોદ રાવ દ્વારા લોન્ચ કરવામાં આવ્યું હતું.
વેન્ટિલેટરની ખાસસિયત
આ વેન્ટિલેટરની ખાસિયત એ છે કે, આ વેન્ટિલેટરનો ઓપરેટિંગ ખર્ચ ઘણો ઓછો છે. અને ICUથી લઇ હોસ્પિટલના વોર્ડ સુધીની હોમ સેટિંગ્સમાં ગમે ત્યાં વેન્ટિલેટરનો ઉપયોગ કરી શકાય છે. વેન્ટિલેટર કામ કરવા માટે સરળ, ઉપયોગી અને અસરકાર છે. કંપનીના ડિરેક્ટરે કહ્યું કે, અમે વેન્ટિલેટરના ઉત્પાદનની ક્ષમતા વધારવા માટે ખુબ મહેનત કરી હતી. અમે આ ઉપકરણ સરકારને રાહતદરે આપીશું.
વડોદરામાં પોલીસ દ્વારા માસ્કનું વિતરણ
સુરતમાં માસ્કના નિયમોના વિરોધાભાસ વચ્ચે વડોદરા પોલીસે પહેલ કરી છે. વડોદરામાં માસ્ક ન પહેરવા પર દંડ કરવાને બદલે માસ્ક આપવામાં આવી રહ્યા છે. સુરત પોલીસે હાથ ધરેલા અભિયાનમાંથી પ્રેરણા લેવામાં આવી છે. વડોદરા પોલીસ દ્વારા અત્યાર સુધીમાં 1 લાખથી વધુ નિઃશુલ્ક માસ્કનું વિતરણ કરવામાં આવ્યું છે. સયાજીગંજ પોલીસ અને ચાર્ટર્ડ એકાઉન્ટન્ટ એસોસિએશન દ્વારા થ્રી લેયર સર્જીકલ માસ્કનું વિતરણ કરવામાં આવ્યું હતું. માત્ર બે કલાકમાં જ 1 હજાર લોકોને માસ્કનું વિતરણ કરાયું હતું. સાથે જ કોરોનાની ગાઈડલાઇનનું પાલન કરવા અપીલ કરી હતી.