તપાસ / વડોદરામાં થિયેટર પાસે 2 શખ્સો બેગ મુકીને ફરાર થઇ જતા અફરા-તફરી મચી હતી

મોલના માલિકે પોલીસને જાણ કરીને બોલાવી હતી. બૉમ્બ સ્કોડ, ડોગ સ્કોડ સહિતની ટીમ ઘટનાસ્થળે પહોંચી હતી. મલ્ટીપ્લેલ્સ, રેસ્ટોરન્ટ, દુકાનોમાં પણ ચેકીંગ હાથધર્યુ છે. પોલીસે ચૂસ્ત બંદોબસ્ત ગોઠવવામાં આવ્યો હતો. રોડ પર એક તરફનો ટ્રાફિક બંધ કરવામાં આવ્યો હતો. પોલીસે ફરાર 2 શંકસ્પદોની અટકાયત કરવામાં આવી છે.

બે શંકાસ્પદો બેગ મૂકીને ફરાર થઈ ગયા હતા

વડોદરાના નેશનલ હાઇવે 8 પર એક મોલના થિયેટર-હોટલમાં બે શંકાસ્પદો બેગ મુકીને ફરાર થઇ જતા અફરાતફરીનો માહોલ સર્જાયો હતો. શંકાસ્પદ બેગની પોલીસને જાણ થતા તાત્કાલિક ઘટનાસ્થળે પહોંચીને બોંબ સ્કવૉડ દ્વારા બેગની તપાસ કરવામાં આવી હતી. પરંતુ આ બેગમાંથી કોઇ શંકાસ્પદ વસ્તુ નહોતી મળી.

મહત્વનું છે કે, જમ્મૂ કાશ્મીરમાંથી કલમ 370ની નાબૂદી બાદથી સમગ્ર દેશમાં આતંકવાદી હુમલાના ખતરાને લઇને અલર્ટ જાહેર કરવામાં આવેલું છે. ત્યારે વડોદરામાં આ પ્રકારની ઘટનાને લઇને દોડધામ મચી જવા પામી હતી. પરંતુ કોઇ શંકાસ્પદ મળી ન હતી.