ધતિંગ / બગલામુખી મંદિરના ઢોંગી ગુરૂનો હોડીમાં પગ ધોવડાવીને પુજન કરાવતો વીડિયો વાયરલ

• કલ્પેશ શાહના ગુમ થવાના મામલો
• વડોદરાના બગલામુખી મંદિરના ઢોગી ગુરૂના વિડીયો વાયરલ
• ઢોગી ગુરુ પ્રશાન્ત ઉપાધ્યાયના વિડીયો આવ્યો સામે

વડોદરાના વારસિયા રિંગ રોડ પર આવેલ પ્રાર્થના ફ્લેટ રહેતા મીનાક્ષીબેન શાહે પોતાનો પુત્ર કલ્પેશ શાહ છેલ્લા ત્રણ વર્ષથી બગલામુખી મંદિરમાંથી ગાયબ થયો હોવાની જાણ મીડિયાને કરી હતી. મંદિરના ઢોંગી ધર્મગુરુ પ્રશાંત ઉપાધ્યાયના સાગરીતો કવિતા ચંદાણી અને તેમની પુત્રી પિન્કીએ મીનાક્ષીબેન શાહના ઘરે પહોંચી તેમને ધમકી આપી હતી. જેથી મીનાક્ષી બેને વારસિયા પોલીસનો સંપર્ક કર્યો હતો. પોલીસે મીનાક્ષીબેન શાહની ફરિયાદના આધારે ઢોંગી ધર્મગુરુ પ્રશાંત ઉપાધ્યાય, કવિતા ચંદાણી અને તેમની પુત્રી પિન્કી સામે ધાક ધમકી આપ્યાની ફરિયાદ દાખલ કરી છે.

મારો પુત્ર ગાયબ છે તેને પાછો લાવી આપોઃ કલ્પેશના માતા

સત્સંગી કલ્પેશના માતાએ કહ્યું કે તેમનો પુત્ર કલ્પેશ શાહ છેલ્લા ત્રણ વર્ષથી ગુમ છે. પુત્ર વિશે બગલામુખી મંદિર કે ઢોંગી પ્રશાંતના ઘરે જઈ પૂછતા તેવો ધમકી આપી કાઢી મૂકતા હતા. તથા પોલીસ ફરિયાદ પણ ન કરવાની ધમકી આપી હતી. જેથી મીનાક્ષીબેન હેરાન પરેશાન હતા. પરંતુ ઢોંગી સામે ફરિયાદ દાખલ થતાં માતાની હિંમત ખુલી. મીનાક્ષીબેનએ કહ્યું કે મારા પુત્રને મળવા પણ દેવામા આવતો ન હતો. મારો પુત્ર ગાયબ છે તેને પાછો લાવી આપો.

પોતાના પગ ધોવડાવી કરાવતો હતો ગુરુ પુજન

મહત્વની વાત છે કે ઢોંગી પ્રશાંત ઉપાધ્યાયના એક બાદ એક કરતૂતો સામે આવી રહ્યા છે, ઢોંગી મહિલાઓ પાસે પગ ધોવડાવતા હોય તેવા વિડિયો પણ સામે આવ્યા છે. હાલમાં વારસિયા પોલીસ ફરિયાદના આધારે આરોપીઓની ધરપકડના ચક્રો ગતિમાન કર્યા છે. પરંતુ ઢોંગી પ્રશાંત ઉપાધ્યાય ભૂગર્ભમાં ઉતરી જતાં પોલીસ માટે તેને પકડવો ચેલેન્જ રૂપ સાબિત થઈ રહ્યું છે.