ખુલાસો / પાખંડી બગલામુખીના કૌભાંડમાં ગુજરાતી ફિલ્મ કલાકારનું નામ બહાર આવ્યું, 2 સેવિકા ફરાર

• કોવિડનો  ટેસ્ટ નેગેટિવ આવતાં પ્રશાંત ઉપાધ્યાયની  ધરપકડ
• પોલીસે પાખંડી પ્રશાંતના બે લેપટોપ પણ કર્યાં જપ્ત
• પાખંડી પ્રશાંતની સેવિકા  દિશા ઉર્ફે જોન જેલના હવાલે

બગલામુખી તરીકે ઓળખાતા વડોદરાના પ્રશાંત ઉપાધ્યાયની વધુ એક રેપ કેસમાં ધરપકડ કરાઈ છે. ગોત્રી પોલીસે પ્રશાંતની કસ્ટડી લીધી છે. પ્રશાંત પર 21 વર્ષની યુવતી પર બળાત્કાર કરવાનો આરોપ છે.ગોત્રી પીઆઈ એસવી ચૌધરીના જણાવ્યા અનુસાર પાખંડી દિશા જોન નામની મહિલાની આ ઘટનામાં મુખ્ય ભૂમિકા હોવાથી તેની ધરપકડ કરીને તપાસ હાથ ધરાઇ છે

દિશા જોનની પૂછપરછ શરૂ કરાઇ  

કિશોરી પર 12 વખત દુષ્કર્મ કરનારા પ્રશાંતનો ગોત્રી પોલીસે જેલમાંથી કબજો મેળવ્યા બાદ કોરોના ટેસ્ટ કરાવાની તજવીજ શરૂ કરી હતી. કોરોના ટેસ્ટ કરાવ્યા બાદ તેની ધરપકડ કરીને રિમાન્ડ માટે કોર્ટમાં રજૂ કરવામાં આવશે. પ્રશાંત મસાજ કરાવવાનો શોખિન હતો. પ્રશાંત પગ દબાવવાના બહાને મહિલાઓને રૂમમાં બોલાવતો હતો. પ્રશાંતે અન્ય કેટલી મહિલાના વિડિયો ઉતાર્યા હતા અને તે કયા મોબાઇલ અને લેપટોપમાં સ્ટોર છે. પ્રશાંતની રૂમમાં અન્ય કેટલી મહિલાઓને મોકલાઇ હતી તે વિશે પણ દિશા જોનની પૂછપરછ શરૂ કરાઇ હતી.