વડોદરા / બગલામુખી મંદિરના બગભગત જેવા ધર્મગુરૂની પોલ ખુલી, પણ પોલીસ છાવરતી હોવાના આક્ષેપ

• મંદિરના ધર્મગુરુએ લોકોને છેતર્યા, વધુ ચાર લોકોએ કરી ફરિયાદ
• આવા ધર્મગુરુ મંદિરને ચલાવે છે, ઢોંગીએ 14 લાખ પડાવ્યાની ફરિયાદ
• પોલીસે આરોપીને છાવરતી હોવાનો આક્ષેપ

વડોદરામાં ઢોગી ધર્મગુરુ પ્રશાંત વિરૂધ્ધ વધુ ફરિયાદ થઈ છે. બગલામુખી મંદિરના ધર્મગુરુનો ખેલ ખુલ્લો પડ્યો છે. ત્યારે હવે વધુ ચાર લોકોએ પૈસા પડાવ્યા હોવાની ફરિયાદ થઈ છે.  વીધીના નામે 14 લાખ પડાવ્યા હોવાની ફરિયાદ થઈ છે. 

વેપારી પાસેથી ઢોંગીએ 21 લાખ પડાવ્યા

આરોપી ધર્મગુરુ પ્રશાંત ઉપાધ્યાયે સોનું લઈ યંત્ર બનાવી આપવાનો વાયદો કર્યો હતો. લોકો પાસેથી સોનું પડાવી ઢોગી ધમકી આપી હતી. ત્યારે હવે ઢોંગી સામે વધુ ચાર ફરિયાદ થઈ. અગાઉ એક વેપારી પાસેથી ઢોંગીએ 21 લાખ પડાવ્યા હોવાની ફરિયાદ થઈ હતી. ત્યારે હવે વધુ ફરિયાદ થતા મોટા ખુલાસા થાય તેવી શક્યતા છે.

આરોપીની અરજી પર 17 ફેબ્રુઆરીએ કોર્ટ ચુકાદો

અગાઉ ફરિયાદ થતા આરોપીએ કોર્ટમાં આગોતરા જામીન માટે અરજી કરી હતી. આરોપીની અરજી પર 17 ફેબ્રુઆરીએ કોર્ટ ચુકાદો આપે તેવી શક્યતા છે. આ મામલે ફરિયાદ દ્વારા પોલીસ પર આરોપી પર છાવરવાનો આક્ષેપ લાગ્યો છે.