વડોદરાઃ પૈસાની ઉઘરાણી મામલે મેડીકલ સંચાલક પર હુમલો ઘટના CCTVમાં કેદ

વડોદરાઃ શહેરનાં રાવપુરા રોડ પર આયુર્વેદીક મેડીકલ સ્ટોરનાં સંચાલક પર હુમલો કરવામાં આવ્યો હોવાંની એક ઘટના સામે આવી છે. જેમાં પૈસાની લેતી-દેતી મામલે હુમલો કરવામાં આવ્યો છે. આંખમાં મરચું નાખીને હથિયાર વડે હુમલો કરાયો હતો. ઘટનામાં મેડીકલ સંચાલક ગણેશ વૈધનાં મામાએ જ હુમલો કર્યો છે.

સંચાલક ગણેશ વૈદ્યે તેમનાં મામાને લગ્ન પ્રસંગે 10 લાખ ઉધાર આપ્યાં હતાં. પૈસાની માંગણી કરતાં ઉશ્કેરાયેલાં મામાએ હુમલો કર્યો હતો. ગઇ રાત્રે 10 વાગ્યે 2 શખ્સોએ હુમલો કર્યો હતો. સ્ટોરમાં ઘૂસી આવેલાં આ બે શખ્સોએ પ્લાસ્ટિકની મોંઢા ઉપર કોથળી પહેરીને હુમલો કર્યો હતો.

જો કે મહત્વનું છે કે આ સમગ્ર ઘટના CCTVમાં કેદ થઇ ગઇ છે. લેતી-દેતી બાબતે મામા-ભાણેજ વચ્ચે થયેલી મારામારીની આ સમગ્ર ઘટના મામલે  પોલીસે વધુ તપાસ હાથ ધરી છે.