શ્રદ્ધાંજલિ / શહીદ જવાન આરીફ પઠાણના નશ્વરદેહને લવાયો વડોદરા, સવારે કરાશે અંતિમવિધી

શહીદ જવાન આરીફ પઠાણનો નશ્વરદેહ વડોદરા એરપોર્ટ લાવવામાં આવ્યો હતો. એરપોર્ટ પરિસરમાં જ શ્રધ્ધાંજલી કાર્યક્રમ યોજાયો હતો. શહીદ જવાન આરીફ પઠાણના નશ્વરદેહને આર્મીના ઉચ્ચ અધિકારીઓઓ દ્વારા પુષ્પાંજલી કરવામાં આવી હતી. વડોદરાના મેયર, સાંસદ, ધારાસભ્યો અને ભૂતપૂર્વ સૈનિકોએ શ્રદ્ધાસુમન અર્પણ કર્યા હતા. લશ્કરના જવાનોએ ગાર્ડ ઓફ ઓનર આપીને વીર જવાનને રાજકીય સન્માન આપ્યું હતું. જવાનને શ્રધ્ધાંજલી આપવા મોટી સંખ્યામાં લોકો એરપોર્ટ પર ઉપસ્થિત રહ્યાં હતા.

ધારાસભ્યએ કરી એક લાખની જાહેરાત

સાવલીના ધારાસભ્ય કેતન ઈનામદારે પરિવારને એક લાખ રૂપિયાની સહાયની જાહેરાત કરી છે. તો સીસીઆઇ દ્વારા પરિવારના એક સભ્યને નોકરી આપવાની પણ તૈયારી દર્શાવવામાં આવી હતી. 

આતંકવાદીઓ સાથે અથડામણમાં થયો હતો શહીદ

વડોદરાનો આર્મી જવાન જમ્મુ કાશ્મીરમાં શહીદ થયો હતો. આતંકવાદીઓ સાથેની અથડામણમાં જવાન શહીદ થયો હતો. ભારતીય સેનામાં ફરજ બજાવતા અને વડોદરાના નવાયાર્ડમાં રહેતા 24 વર્ષીય આરીફ પઠાણ આતંકવાદીઓ સાથેની અથડામણમાં શહીદ થયા. આથી શહીદ આરીફ પઠાણ મોહમ્મદ સફીના પાર્થિવદેહને વડોદરા લાવવામાં આવ્યો હતો.