ગુજરાતમાં પ્રથમ વખત IPS કક્ષાના અધિકારીનું કોરોના સંક્રમણના કારણે મૃત્યુ, વડોદરામાં DIGના પદ પર સેવા આપતા મહેશ નાયકે કોરોના સામે લાંબી લડાઈ બાદ અંતિમ શ્વાસ લીધા
ગુજરાતના IPS અધિકારીનું કોરોના સારવાર દરમિયાન મૃત્યુ
ગુજરાતમાં કોરોના સંક્રમણથી પ્રથમ IPS અધિકારીનું નિધન
ગુજરાતમાં કોરોના મહામારીએ અનેક લોકોના જીવ લીધા છે. પરંતુ જે લોકો રાત-દિવસ કોરોનાના સંક્રામણને અટકાવવા માટે પોતાના જીવનની બાજી લગાવી દે છે. તેવા કોરોના વોરિયર્સને ક્યારેય ભૂલી શકાય નહીં. આજે ગુજરાતના વધુ એક કોરોના વોરિયર્સે પોતાનું બલિદાન આપ્યું છે. ગુજરાતમાં પ્રથમ વખત IPS કક્ષાના અધિકારીનું કોરોના સંક્રમણના કારણે મૃત્યુ થયું છે. વડોદરાના આર્મ્સ યુનિટમાં DIGના પદ પર સેવા આપતા મહેશ નાયકે કોરોના સામે લાંબી લડાઈ બાદ અંતિમ શ્વાસ લીધા છે.
વડોદરાના આર્મ્સ યુનિટમાં કાર્યરત અને DIGના પદ પર પોતાની સેવા આપી રહેલા એમ.કે નાયકનું નિધન થયું છે. DIG મહેશ નાયકનો કોરોના રિપોર્ટ પોઝિટીવ આપ્યા બાદ શરૂઆતમાં વડોદરા ખાતે સારવાર અપાઈ હતી. જે બાદ તેમને અમદાવાદ પણ લઈ આવ્યા હતા. જ્યાં સારવારના 12મા દિવસે તેમણે અંતિમ શ્વાસ લીધા હતા. અમદાવાદની SVP હોસ્પિટલમાં તેમને વડોદરાથી 31મી માર્ચે દાખલ કરાયા હતા. એક માહિતી પ્રમાણે DIG મહેશ નાયક ડાયાબિટીસની બીમારીથી પણ પીડિત હતા.